తథైవ ఉపాసనాన్తరం సత్యస్య బ్రహ్మణో విశిష్టఫలమారభ్యతే — విద్యుద్బ్రహ్మేత్యాహుః । విద్యుతో బ్రహ్మణో నిర్వచనముచ్యతే — విదానాత్ అవఖణ్డనాత్ తమసో మేఘాన్ధకారం విదార్య హి అవభాసతే, అతో విద్యుత్ ; ఎవంగుణం విద్యుత్ బ్రహ్మేతి యో వేద, అసౌ విద్యతి అవఖణ్డయతి వినాశయతి పాప్మనః, ఎనమాత్మానం ప్రతి ప్రతికూలభూతాః పాప్మానో యే తాన్ సర్వాన్ పాప్మనః అవఖణ్డయతీత్యర్థః । య ఎవం వేద విద్యుద్బ్రహ్మేతి తస్యానురూపం ఫలమ్ , విద్యుత్ హి యస్మాత్ బ్రహ్మ ॥