ಗಾಯತ್ರ್ಯಾ ಮುಖವಿಧಾನಾಯ ಅರ್ಥವಾದ ಉಚ್ಯತೇ — ಏತತ್ ಹ ಕಿಲ ವೈ ಸ್ಮರ್ಯತೇ, ತತ್ ತತ್ರ ಗಾಯತ್ರೀವಿಜ್ಞಾನವಿಷಯೇ ; ಜನಕೋ ವೈದೇಹಃ, ಬುಡಿಲೋ ನಾಮತಃ, ಅಶ್ವತರಾಶ್ವಸ್ಯಾಪತ್ಯಮ್ ಆಶ್ವತರಾಶ್ವಿಃ, ತಂ ಕಿಲ ಉಕ್ತವಾನ್ ; ಯತ್ ನು ಇತಿ ವಿತರ್ಕೇ, ಹೋ ಅಹೋ ಇತ್ಯೇತತ್ , ತತ್ ಯತ್ ತ್ವಂ ಗಾಯತ್ರೀವಿದಬ್ರೂಥಾಃ, ಗಾಯತ್ರೀವಿದಸ್ಮೀತಿ ಯದಬ್ರೂಥಾಃ, ಕಿಮಿದಂ ತಸ್ಯ ವಚಸೋಽನನುರೂಪಮ್ ; ಅಥ ಕಥಮ್ , ಯದಿ ಗಾಯತ್ರೀವಿತ್ , ಪ್ರತಿಗ್ರಹದೋಷೇಣ ಹಸ್ತೀಭೂತೋ ವಹಸೀತಿ । ಸ ಪ್ರತ್ಯಾಹ ರಾಜ್ಞಾ ಸ್ಮಾರಿತಃ — ಮುಖಂ ಗಾಯತ್ರ್ಯಾಃ ಹಿ ಯಸ್ಮಾತ್ ಅಸ್ಯಾಃ, ಹೇ ಸಮ್ರಾಟ್ , ನ ವಿದಾಂಚಕಾರ ನ ವಿಜ್ಞಾತವಾನಸ್ಮಿ — ಇತಿ ಹೋವಾಚ ; ಏಕಾಂಗವಿಕಲತ್ವಾತ್ ಗಾಯತ್ರೀವಿಜ್ಞಾನಂ ಮಮ ಅಫಲಂ ಜಾತಮ್ ।