अद्वैतशारदा | दक्षिणाम्नाय श्रीशारदापीठम्, शृङ्गेरी

ಏತದ್ಧ ವೈ ತಜ್ಜನಕೋ ವೈದೇಹೋ ಬುಡಿಲಮಾಶ್ವತರಾಶ್ವಿಮುವಾಚ ಯನ್ನು ಹೋ ತದ್ಗಾಯತ್ರೀವಿದಬ್ರೂಥಾ ಅಥ ಕಥಂ ಹಸ್ತೀಭೂತೋ ವಹಸೀತಿ ಮುಖಂ ಹ್ಯಸ್ಯಾಃ ಸಮ್ರಾಣ್ನ ವಿದಾಂಚಕಾರೇತಿ ಹೋವಾಚ ತಸ್ಯಾ ಅಗ್ನಿರೇವ ಮುಖಂ ಯದಿ ಹ ವಾ ಅಪಿ ಬಹ್ವಿವಾಗ್ನಾವಭ್ಯಾದಧತಿ ಸರ್ವಮೇವ ತತ್ಸಂದಹತ್ಯೇವಂ ಹೈವೈವಂವಿದ್ಯದ್ಯಪಿ ಬಹ್ವಿವ ಪಾಪಂ ಕುರುತೇ ಸರ್ವಮೇವ ತತ್ಸಂಪ್ಸಾಯ ಶುದ್ಧಃ ಪೂತೋಽಜರೋಽಮೃತಃ ಸಂಭವತಿ ॥ ೮ ॥

ಶೃಣು ತರ್ಹಿ ; ತಸ್ಯಾ ಗಾಯತ್ರ್ಯಾ ಅಗ್ನಿರೇವ ಮುಖಮ್ ; ಯದಿ ಹ ವೈ ಅಪಿ ಬಹ್ವಿವೇಂಧನಮ್ ಅಗ್ನಾವಭ್ಯಾದಧತಿ ಲೌಕಿಕಾಃ, ಸರ್ವಮೇವ ತತ್ಸಂದಹತ್ಯೇವೇಂಧನಮ್ ಅಗ್ನಿಃ — ಏವಂ ಹೈವ ಏವಂವಿತ್ ಗಾಯತ್ರ್ಯಾ ಅಗ್ನಿರ್ಮುಖಮಿತ್ಯೇವಂ ವೇತ್ತೀತ್ಯೇವಂವಿತ್ ಸ್ಯಾತ್ ಸ್ವಯಂ ಗಾಯತ್ರ್ಯಾತ್ಮಾ ಅಗ್ನಿಮುಖಃ ಸನ್ । ಯದ್ಯಪಿ ಬಹ್ವಿವ ಪಾಪಂ ಕುರುತೇ ಪ್ರತಿಗ್ರಹಾದಿದೋಷಮ್ , ತತ್ಸರ್ವಂ ಪಾಪಜಾತಂ ಸಂಪ್ಸಾಯ ಭಕ್ಷಯಿತ್ವಾ ಶುದ್ಧಃ ಅಗ್ನಿವತ್ ಪೂತಶ್ಚ ತಸ್ಮಾತ್ಪ್ರತಿಗ್ರಹದೋಷಾತ್ ಗಾಯತ್ರ್ಯಾತ್ಮಾ ಅಜರೋಽಮೃತಶ್ಚ ಸಂಭವತಿ ॥

ಶ್ರುಣ್ವಿತಿ ; ಯದೀತ್ಯಾದಿನಾ ; ಗಾಯತ್ರ್ಯಾತ್ಮೇತಿ ॥೮॥ ;

ರಾಜಾ ಬ್ರೂತೇ

ಶ್ರುಣ್ವಿತಿ ।

ಮುಖವಿಜ್ಞಾನಸ್ಯ ದೃಷ್ಟಾಂತಾವಷ್ಟಂಭೇನ ಫಲಮಾಚಷ್ಟೇ —

ಯದೀತ್ಯಾದಿನಾ ।

ಇವಶಬ್ದೋಽವಧಾರಣಾರ್ಥಃ । ಪಾಪಸಂಸ್ಪರ್ಶರಾಹಿತ್ಯಂ ಶುದ್ಧಿಸ್ತತ್ಫಲಾಸಂಸ್ಪರ್ಶಸ್ತು ಪೂತತೇತಿ ಭೇದಃ ।

ಗಾಯತ್ರೀಜ್ಞಾನಸ್ಯ ಕ್ರಮಮುಕ್ತಿಫಲತ್ವಂ ದರ್ಶಯತಿ —

ಗಾಯತ್ರ್ಯಾತ್ಮೇತಿ ॥೮॥