శృణు తర్హి ; తస్యా గాయత్ర్యా అగ్నిరేవ ముఖమ్ ; యది హ వై అపి బహ్వివేన్ధనమ్ అగ్నావభ్యాదధతి లౌకికాః, సర్వమేవ తత్సన్దహత్యేవేన్ధనమ్ అగ్నిః — ఎవం హైవ ఎవంవిత్ గాయత్ర్యా అగ్నిర్ముఖమిత్యేవం వేత్తీత్యేవంవిత్ స్యాత్ స్వయం గాయత్ర్యాత్మా అగ్నిముఖః సన్ । యద్యపి బహ్వివ పాపం కురుతే ప్రతిగ్రహాదిదోషమ్ , తత్సర్వం పాపజాతం సమ్ప్సాయ భక్షయిత్వా శుద్ధః అగ్నివత్ పూతశ్చ తస్మాత్ప్రతిగ్రహదోషాత్ గాయత్ర్యాత్మా అజరోఽమృతశ్చ సమ్భవతి ॥