वसिष्ठत्वमपि प्राणस्यैवेति वक्तुमुत्तरवाक्यमुत्थाप्य व्याचष्टे —

यो हेत्यादिना ।

फलेन प्रलोभितं शिष्यं प्रश्नाभिमुखं प्रत्याह —

उच्यतामित्यादिना ।

वाचो वसिष्ठत्वं द्विधा प्रतिजानीते —

वासयतीति ।

वासयत्यतिशयेनेत्युक्तं विशदयति —

वाग्ग्मिनो हीति ।

वासयन्ति चेति द्रष्टव्यम् ।

वस्ते वेत्युक्तं स्फुटयति —

आच्छादनार्थस्य वेति ।

आच्छादनार्थत्वमनुभवेन साधयति —

अभिभवन्तीति ।

उक्तमुपास्तिफलं निगमयति —

तेनेति ॥२॥