अद्वैतशारदा | दक्षिणाम्नाय श्रीशारदापीठम्, शृङ्गेरी

ಯೋ ಹ ವೈ ಪ್ರಜಾತಿಂ ವೇದ ಪ್ರಜಾಯತೇ ಹ ಪ್ರಜಯಾ ಪಶುಭೀ ರೇತೋ ವೈ ಪ್ರಜಾತಿಃ ಪ್ರಜಾಯತೇ ಹ ಪ್ರಜಯಾ ಪಶುಭಿರ್ಯ ಏವಂ ವೇದ ॥ ೬ ॥

ಯೋ ಹ ವೈ ಪ್ರಜಾತಿಂ ವೇದ, ಪ್ರಜಾಯತೇ ಹ ಪ್ರಜಯಾ ಪಶುಭಿಶ್ಚ ಸಂಪನ್ನೋ ಭವತಿ । ರೇತೋ ವೈ ಪ್ರಜಾತಿಃ ; ರೇತಸಾ ಪ್ರಜನನೇಂದ್ರಿಯಮುಪಲಕ್ಷ್ಯತೇ । ತದ್ವಿಜ್ಞಾನಾನುರೂಪಂ ಫಲಮ್ , ಪ್ರಜಾಯತೇ ಹ ಪ್ರಜಯಾ ಪಶುಭಿಃ, ಯ ಏವಂ ವೇದ ॥

ಯೋ ಹೇತ್ಯಾದಿನಾ ; ರೇತಸೇತಿ ; ತದ್ವಿಜ್ಞಾನೇತಿ ॥೬॥ ;

ಗುಣಾಂತರಂ ವಕ್ತುಂ ವಾಕ್ಯಾಂತರಂ ಗೃಹೀತ್ವಾ ತದಕ್ಷರಾಣಿ ವ್ಯಾಕರೋತಿ —

ಯೋ ಹೇತ್ಯಾದಿನಾ ।

ವಾಗಾದೀಂದ್ರಿಯಾಣಿ ತತ್ತದ್ಗುಣವಿಶಿಷ್ಟಾನಿ ಶಿಷ್ಟ್ವಾ ರೇತೋ ವಿಶಿಷ್ಟಗುಣಮಾಚಕ್ಷಾಣಸ್ಯ ಪ್ರಕರಣವಿರೋಧಃ ಸ್ಯಾದಿತ್ಯಾಶಂಕ್ಯಾಽಽಹ —

ರೇತಸೇತಿ ।

ವಿದ್ಯಾಫಲಮುಪಸಂಹರತಿ —

ತದ್ವಿಜ್ಞಾನೇತಿ ॥೬॥