ಸಾ ಹ ವಾಗಿತಿ ಪ್ರತೀಕಮಾದಾಯ ವ್ಯಾಚಷ್ಟೇ —
ಪ್ರಥಮಮಿತಿ ।
ತೇನ ವಸಿಷ್ಠಗುಣೇನ ತ್ವಮೇವ ವಸಿಷ್ಠೋಽಸಿ ತಥಾ ಚ ತದ್ವಸಿಷ್ಠತ್ವಂ ತವೈವೇತಿ ಯೋಜನಾ ।
ಬಲಿದಾನಮಂಗೀಕೃತ್ಯಾನ್ನವಾಸಸೀ ಪೃಚ್ಛಸಿ —
ಯದ್ಯೇವಮಿತ್ಯಾದಿನಾ ।
ಏವಂಗುಣವಿಶಿಷ್ಟಸ್ಯ ಜ್ಯೇಷ್ಠತ್ವಶ್ರೇಷ್ಠತ್ವವಸಿಷ್ಠತ್ವಾದಿಸಂಬದ್ಧಸ್ಯೇತ್ಯರ್ಥಃ ।
ಯದಿದಮಿತ್ಯಾದಿ ವಾಕ್ಯಂ ವ್ಯಾಚಷ್ಟೇ —
ಯದಿದಮಿತಿ ।
ಪ್ರಕೃತೇನ ಶುನಾಮನ್ನೇನ ಕೀಟಾದೀನಾಂ ಚಾನ್ನೇನ ಸಹಯತ್ಕಿಂಚಿತ್ಕೃಮ್ಯನ್ನಂ ದೃಶ್ಯತೇ ತತ್ಸರ್ವಮೇವ ತವಾನ್ನಮಿತಿ ಯೋಜನಾ ।
ತದೇವ ಸ್ಫುಟಯತಿ —
ಯತ್ಕಿಂಚಿದಿತಿ ।