ತಸ್ಯಾ ವೇದಿರಿತ್ಯಾದಿ ಸರ್ವಂ ಸಾಮಾನ್ಯಂ ಪ್ರಸಿದ್ಧಮ್ । ಸಮಿದ್ಧೋಽಗ್ನಿಃ ಮಧ್ಯತಃ ಸ್ತ್ರೀವ್ಯಂಜನಸ್ಯ ; ತೌ ಮುಷ್ಕೌ ಅಧಿಷವಣಫಲಕೇ ಇತಿ ವ್ಯವಹಿತೇನ ಸಂಬಧ್ಯತೇ । ವಾಜಪೇಯಯಾಜಿನೋ ಯಾವಾನ್ ಲೋಕಃ ಪ್ರಸಿದ್ಧಃ, ತಾವಾನ್ ವಿದುಷಃ ಮೈಥುನಕರ್ಮಣೋ ಲೋಕಃ ಫಲಮಿತಿ ಸ್ತೂಯತೇ । ತಸ್ಮಾತ್ ಬೀಭತ್ಸಾ ನೋ ಕಾರ್ಯೇತಿ । ಯ ಏವಂ ವಿದ್ವಾನಧೋಪಹಾಸಂ ಚರತಿ ಆಸಾಂ ಸ್ತ್ರೀಣಾಂ ಸುಕೃತಂ ವೃಂಕ್ತೇ ಆವರ್ಜಯತಿ । ಅಥ ಪುನಃ ಯಃ ವಾಜಪೇಯಸಂಪತ್ತಿಂ ನ ಜಾನಾತಿ ಅವಿದ್ವಾನ್ ರೇತಸೋ ರಸತಮತ್ವಂ ಚ ಅಧೋಪಹಾಸಂ ಚರತಿ, ಆ ಅಸ್ಯ ಸ್ತ್ರಿಯಃ ಸುಕೃತಮ್ ಆವೃಂಜತೇ ಅವಿದುಷಃ ॥