ಮೇ ಮಮಾದ್ಯಾಪ್ರಾಪ್ತಕಾಲೇ ಯದ್ರೇತಃ ಪೃಥಿವೀಂ ಪ್ರತ್ಯಸ್ಕಾಂತ್ಸೀದ್ರಾಗಾತಿರೇಕೇಣ ಸ್ಕನ್ನಮಾಸೀದೋಷಧೀಃ ಪ್ರತ್ಯಪ್ಯಸರದಗಮದ್ಯಚ್ಚಾಪಃ ಸ್ವಯೋನಿಂ ಪ್ರತಿ ಗತಮಭೂತ್ತದಿದಂ ರೇತಃ ಸಂಪ್ರತ್ಯಾದದೇಽಹಮಿತ್ಯಾದಾನಮಂತ್ರಾರ್ಥಃ । ಕೇನಾಭಿಪ್ರಾಯೇಣ ತದಾದಾನಂ ತದಾಹ —

ಪುನರಿತಿ ।

ತತ್ಪುನಾ ರೇತೋರೂಪೇಣ ಬಹಿರ್ನಿರ್ಗತಮಿಂದ್ರಿಯಂ ಮಾಂ ಪ್ರತ್ಯೇತು ಸಮಾಗಚ್ಛತು । ತೇಜಸ್ತ್ವಗ್ಗತಾ ಕಾಂತಿಃ । ಭಗಃ ಸೌಭಾಗ್ಯಂ ಜ್ಞಾನಂ ವಾ । ತದಪಿ ಸರ್ವಂ ರೇತೋನಿರ್ಗಮಾತ್ತದಾತ್ಮನಾ ಬಹಿರ್ನಿರ್ಗತಂ ಸನ್ಮಾಂ ಪ್ರತ್ಯಾಗಚ್ಛತು । ಅಗ್ನಿರ್ಧಿಷ್ಣ್ಯಂ ಸ್ಥಾನಂ ಯೇಷಾಂ ತೇ ದೇವಾಸ್ತದ್ರೇತೋ ಯಥಾಸ್ಥಾನಂ ಕಲ್ಪಯಂತ್ವಿತಿ ಮಾರ್ಜನಮಂತ್ರಾರ್ಥಃ ॥೫॥