మే మమాద్యాప్రాప్తకాలే యద్రేతః పృథివీం ప్రత్యస్కాన్త్సీద్రాగాతిరేకేణ స్కన్నమాసీదోషధీః ప్రత్యప్యసరదగమద్యచ్చాపః స్వయోనిం ప్రతి గతమభూత్తదిదం రేతః సంప్రత్యాదదేఽహమిత్యాదానమన్త్రార్థః । కేనాభిప్రాయేణ తదాదానం తదాహ —

పునరితి ।

తత్పునా రేతోరూపేణ బహిర్నిర్గతమిన్ద్రియం మాం ప్రత్యేతు సమాగచ్ఛతు । తేజస్త్వగ్గతా కాన్తిః । భగః సౌభాగ్యం జ్ఞానం వా । తదపి సర్వం రేతోనిర్గమాత్తదాత్మనా బహిర్నిర్గతం సన్మాం ప్రత్యాగచ్ఛతు । అగ్నిర్ధిష్ణ్యం స్థానం యేషాం తే దేవాస్తద్రేతో యథాస్థానం కల్పయన్త్వితి మార్జనమన్త్రార్థః ॥౫॥