तस्मा इत्यादि व्याचष्टे –

स्वाध्यायेनेति ।

क्षुल्लकाः क्षुद्रकाः शिशव इति यावत् । श्वेतः श्वा कश्चिदृषिर्देवता वा ।

अन्ये च श्वानो देवता ऋषयो वेत्युक्तम् सम्प्रति विवक्षितं पक्षमाह –

मुख्येति ।

तमूचुरिति सम्बन्धः ।

तानेव विशिनष्टि –

प्राणमन्विति ।

मुख्यप्राणसहितवागादिग्रहे हेतुमाह –

स्वाध्यायेति ।

अन्यथा वाक्यमनिर्धारितार्थं स्यादिति भावः ।

किमित्यन्नं भवद्भ्यो मया सम्पाद्यते न हि भवतामभोक्तॄणां तेन कृत्यमस्तीत्याशङ्क्य त्वन्निष्ठचेतनद्वारेणास्माकमपि भोगसिद्धेर्मैवमित्याह –

अशनायाम वा इत्यादिना ॥ २ ॥