ರಾಜಾ ಪುನರಪಿ ಸ್ವಕೀಯಭಯಾಭಾವೇ ಹೇತ್ವಂತರಮಾಚಾರ್ಯಂ ಪ್ರತ್ಯಾವೇದಯತಿ -

ಅಪರ್ಯಾಪ್ತಮಿತಿ ।

ಅಸ್ಮಾಕಂ ಖಲ್ವಿದಂ ಏಕಾದಶಸಂಖ್ಯಾಕಾಕ್ಷೌಹಿಣೀಪರಿಗಣಿತಮಪರಿಮಿತಂ ಬಲಂ ಭೀಷ್ಮೇಣ ಚ ಪ್ರಥಿತಮಹಾಮಹಿಮ್ನಾ ಸೂಕ್ಷ್ಮಬುದ್ಧಿನಾ ಸರ್ವತೋ ರಕ್ಷಿತಂ ಪರ್ಯಾಪ್ತಂ - ಪರೋಷಾಂ ಪರಿಭವೇ ಸಮರ್ಥಮ್ । ಏತೇಷಾಂ ಪುನಸ್ತದಲ್ಪಂ - ಸಪ್ತಸಂಖ್ಯಾಕಾಕ್ಷೌಹಿಣೀಪರಿಮಿತಂ ಬಲಂ ಭೀಮೇನ ಚಪಲಬುದ್ಧಿನಾ ಕುಶಲತಾವಿಕಲೇನ ಪರಿಪಾಲಿತಂ ಅಪರ್ಯಾಪ್ತಮ್ - ಅಸ್ಮಾನಭಿಭವಿತುಮಸಮರ್ಥಮಿತ್ಯರ್ಥಃ । ಅಥವಾ - ತದಿದಮಸ್ಮಾಕಂ ಬಲಂ ಭೀಷ್ಮಾಧಿಷ್ಠಿತಮಪರ್ಯಾಪ್ತಂ - ಅಪರಿಮಿತಂ ಅಧೃಷ್ಯಂ - ಅಕ್ಷೋಭ್ಯಮ್ । ಏತೇಷಾಂ ತು ಪಾಂಡವಾನಾಂ ಬಲಂ ಭೀಮೇನಾಭಿರಕ್ಷಿತಂ ಪರ್ಯಾಪ್ತಂ - ಅಪರಿಮಿತಮ್ ಸೋಢುಂ ಶಕ್ಯಮಿತ್ಯರ್ಥಃ । ಅಥವಾ - ತತ್ ಪಾಂಡವಾನಾಂ ಬಲಮಪರ್ಯಾಪ್ತಂ - ನಾಲಮ್ , ಅಸ್ಮಾಕಂ - ಅಸ್ಮಭ್ಯಂ ಭೀಷ್ಮಾಭಿರಕ್ಷಿತಂ ಭೀಷ್ಮೋಽಭಿರಕ್ಷಿತೋಽಸ್ಮೈ ಪರಬಲನಿವೃತ್ತ್ಯರ್ಥಮಿತಿ ತದೇವ ತಥೋಚ್ಯತೇ । ಇದಂ ಪುನರಸ್ಮದೀಯಂ ಬಲಮೇತೇಷಾಂ - ಪಾಂಡವಾನಾಂ ಪರ್ಯಾಪ್ತಂ - ಪರಿಭವೇ ಸಮರ್ಥಮ್ , ಭೀಮಾಭಿರಕ್ಷಿತಂ ಭೀಮೋ ದುರ್ಬಲಹೃದಯೋ ಯಸ್ಮಾದಸ್ಮೈ ಪರಬಲನಿವೃತ್ತ್ಯರ್ಥಮಭಿರಕ್ಷಿತಃ । ತಸ್ಮಾದಸ್ಮಾಕಂ ನ ಕಿಂಚಿದಪಿ ಭಯಕಾರಣಮಸ್ತೀತ್ಯರ್ಥಃ ॥ ೧೦ ॥