ಇತಶ್ಚ ಸಮುಚ್ಚಯಃ ಶಾಸ್ತ್ರಾರ್ಥೋ ನ ಸಂಭವತಿ, ಅನ್ಯಥಾ ಪಂಚಮಾದಾವರ್ಜುನಸ್ಯ ಪ್ರಶ್ನಾನುಪಪತ್ತೇರಿತ್ಯಾಹ -

ಕಿಂಚೇತಿ ।

ನನು - ಸರ್ವಾನ್ ಪ್ರತ್ಯುಕ್ತೇಽಪಿ ಸಮುಚ್ಚಯೇ, ನಾರ್ಜುನಂ ಪ್ರತ್ಯುಕ್ತೋಽಸಾವಿತಿ ತದೀಯಪ್ರಶ್ನೋಪಪತ್ತಿರಿತ್ಯಾಶಂಕ್ಯಾಹ -

ಯದೀತಿ ।

ಏತಯೋಃ - ಕರ್ಮತತ್ತ್ಯಾಗಯೋರಿತಿ ಯಾವತ್ ।

ನನು - ಕರ್ಮಾಪೇಕ್ಷಯಾ ಕರ್ಮತ್ಯಾಗಪೂರ್ವಕಸ್ಯ ಜ್ಞಾನಸ್ಯ ಪ್ರಾಧಾನ್ಯಾತ್ ತಸ್ಯ ಶ್ರೇಯಸ್ತ್ವಾತ್ ತದ್ವಿಷಯಪ್ರಶ್ನೋಪಪತ್ತಿರಿತಿ ಚೇತ್ , ನೇತ್ಯಾಹ -

ನ ಹೀತಿ ।

ತಥೈವ ಸಮುಚ್ಚಯೇ ಪುರುಷಾರ್ಥಸಾಧನೇ ಭಗವತಾ ದರ್ಶಿತೇ ಸತ್ಯನ್ಯತರಗೋಚರೋ ನ ಪ್ರಶ್ನೋ ಭವತೀತಿ ಶೇಷಃ ।