ಶ್ರೀಮದ್ಭಗವದ್ಗೀತಾಭಾಷ್ಯಮ್
ದ್ವಿತೀಯೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಸಂಜಯ ಉವಾಚ —
ಏವಮುಕ್ತ್ವಾ ಹೃಷೀಕೇಶಂ ಗುಡಾಕೇಶಃ ಪರಂತಪಃ ।
ನ ಯೋತ್ಸ್ಯ ಇತಿ ಗೋವಿಂದಮುಕ್ತ್ವಾ ತೂಷ್ಣೀಂ ಬಭೂವ ಹ ॥ ೯ ॥
ಸಂಜಯ ಉವಾಚ —
ಏವಮುಕ್ತ್ವಾ ಹೃಷೀಕೇಶಂ ಗುಡಾಕೇಶಃ ಪರಂತಪಃ ।
ನ ಯೋತ್ಸ್ಯ ಇತಿ ಗೋವಿಂದಮುಕ್ತ್ವಾ ತೂಷ್ಣೀಂ ಬಭೂವ ಹ ॥ ೯ ॥

ಏವಮರ್ಜುನೇನ ಸ್ವಾಭಿಪ್ರಾಯಂ ಭಗವಂತಂ ಪ್ರತಿ ಪ್ರಕಾಶಿತಂ ಸಂಜಯೋ ರಾಜಾನಮಾವೇದಿತವಾನಿತ್ಯಾಹ -

ಸಂಜಯ ಇತಿ ।

ಏವಂ ಪ್ರಾಗುಕ್ತಪ್ರಕಾರೇಣ ಭಗವಂತಂ ಪ್ರತ್ಯುಕ್ತ್ವಾ ಪರಂತಪೋಽರ್ಜುನೋ ನ ಯೋತ್ಸ್ಯೇ - ನ ಸಂಪ್ರಹರಿಷ್ಯೇ, ಅತ್ಯಂತಾಸಹ್ಯಶೋಕಪ್ರಸಂಗಾತ್ ಇತಿ ಗೋವಿಂದಮುಕ್ತ್ವಾ ತೂಷ್ಣೀಂ - ಅಬ್ರುವನ್ ಬಭೂವ, ಹ ಕಿಲೇತ್ಯರ್ಥಃ ॥ ೯ ॥