ஶ்ரீமத்³ப⁴க³வத்³கீ³தாபா⁴ஷ்யம்
த்³விதீயோ(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
யத்³யபி ஆத்மவிநாஶநிமித்தோ மோஹோ ந ஸம்ப⁴வதி நித்ய ஆத்மா இதி விஜாநத:, ததா²பி ஶீதோஷ்ணஸுக²து³:க²ப்ராப்திநிமித்தோ மோஹோ லௌகிகோ த்³ருஶ்யதே, ஸுக²வியோக³நிமித்தோ மோஹ: து³:க²ஸம்யோக³நிமித்தஶ்ச ஶோக: । இத்யேதத³ர்ஜுநஸ்ய வசநமாஶங்க்ய ப⁴க³வாநாஹ —
யத்³யபி ஆத்மவிநாஶநிமித்தோ மோஹோ ந ஸம்ப⁴வதி நித்ய ஆத்மா இதி விஜாநத:, ததா²பி ஶீதோஷ்ணஸுக²து³:க²ப்ராப்திநிமித்தோ மோஹோ லௌகிகோ த்³ருஶ்யதே, ஸுக²வியோக³நிமித்தோ மோஹ: து³:க²ஸம்யோக³நிமித்தஶ்ச ஶோக: । இத்யேதத³ர்ஜுநஸ்ய வசநமாஶங்க்ய ப⁴க³வாநாஹ —

ஆத்மந: ஶ்ருத்யாதி³ப்ரமிதே நித்யத்வே தது³த்பத்திவிநாஶப்ரயுக்தஶோகமோஹாபா⁴வே(அ)பி, ப்ரகாராந்தரேண ஶோகமோஹௌ ஸ்யாதாம் ,  இத்யாஶங்காமநூத்³ய, உத்தரத்வேந ஶ்லோகமவதாரயதி -

யத்³யபீத்யாதி³நா ।

ஶீதோஷ்ணயோஸ்தாப்⁴யாம் ஸுக²து³:க²யோஶ்ச ப்ராப்திம் நிமித்தீக்ருத்ய யோ மோஹாதி³ர்த்³ருஶ்யதே, தஸ்ய அந்வயவ்யதிரேகாப்⁴யாம் த்³ருஶ்யமாநத்வமாஶ்ரித்ய லௌகிகவிஶேஷணம் । ‘அஶோச்யாந்’ (ப⁴. ப⁴. கீ³. 2-11) இத்யத்ர யோ வித்³யாதி⁴காரீ ஸூசித:, தஸ்ய ‘திதிக்ஷு: ஸமாஹிதோ பூ⁴த்வா’ (ப்³ரு. உ. 4-4-23) இதி ஶ்ருதேஸ்திதிக்ஷுத்வவிஶேஷணமிஹோபதி³ஶ்யதே।