अद्वैतशारदा | दक्षिणाम्नाय श्रीशारदापीठम्, शृङ्गेरी

ನಾಸತೋ ವಿದ್ಯತೇ ಭಾವೋ ನಾಭಾವೋ ವಿದ್ಯತೇ ಸತಃ ।
ಉಭಯೋರಪಿ ದೃಷ್ಟೋಽಂತಸ್ತ್ವನಯೋಸ್ತತ್ತ್ವದರ್ಶಿಭಿಃ ॥ ೧೬ ॥

ಏಕಾಧಿಕರಣತ್ವಂ ಘಟಾದಿವಿಶೇಷ್ಯಾಭಾವೇ ನ ಯುಕ್ತಮಿತಿ ಚೇತ್ , ನ ; ‘ಇದಮುದಕಮ್’ ಇತಿ ಮರೀಚ್ಯಾದೌ ಅನ್ಯತರಾಭಾವೇಽಪಿ ಸಾಮಾನಾಧಿಕರಣ್ಯದರ್ಶನಾತ್ ॥

ದ್ವಯೋಃ ಸತೋರೇವ ವಿಶೇಷಣವಿಶೇಷ್ಯತ್ವದರ್ಶನಾತ್ ಘಟಸತೋರಪಿ ವಿಶೇಷಣವಿಶೇಷ್ಯತ್ವೇ ದ್ವಯೋಃ ಸತ್ತ್ವಧ್ರೌವ್ಯಾತ್ ಘಟಾದಿಕಲ್ಪಿತತ್ವಾನುಮಾನಂ ಸಾಮಾನಾಧಿಕರಣ್ಯಧೀಬಾಧಿತಮಿತಿ ಚೋದಯತಿ -

ಏಕೇತಿ ।

ಅನುಭವಮನುಸೃಸ್ಯ ಬಾಧಿತವಿಷಯತ್ವಮುಕ್ತಾನುಮಾನಸ್ಯ ನಿರಸ್ಯತಿ -

ನೇತ್ಯಾದಿನಾ ।