ಬುದ್ಧಿಯೋಗಸ್ಯ ಫಲವತ್ತ್ವೇ ಫಲಿತಮಾಹ -

ತಸ್ಮಾದಿತಿ ।

ಪೂರ್ವಾರ್ಧಂ ವ್ಯಾಚಷ್ಟೇ -

ಬುದ್ಧೀತ್ಯಾದಿನಾ ।

ನನು - ಸಮತ್ವಬುದ್ಧಿಮಾತ್ರಾತ್ ನ ಪುಣ್ಯಪಾಪನಿವೃತ್ತಿರ್ಯುಕ್ತಾ, ಪರಮಾರ್ಥದರ್ಶನವತಸ್ತನ್ನಿವೃತ್ತಿಪ್ರಸಿದ್ಧೇಃ, ಇತಿ ತತ್ರಾಹ -

ಸತ್ತ್ವೇತಿ ।

ಉತ್ತರಾರ್ಧಂ ವ್ಯಾಚಷ್ಟೇ -

ತಸ್ಮಾದಿತಿ ।

ಸ್ವಧರ್ಮಮನುತಿಷ್ಠತೋ ಯಥೋಕ್ತಯೋಗಾರ್ಥಂ ಕಿಮರ್ಥಂ ಮನೋ ಯೋಜನೀಯಮ್ ? ಇತ್ಯಾಶಂಕ್ಯಾಹ -

ಯೋಗೋ ಹೀತಿ ।

ತರ್ಹಿ ಯಥೋಕ್ತಯೋಗಸಾಮರ್ಥ್ಯಾದೇವ ದರ್ಶಿತಫಲಸಿದ್ಧೇರನಾಸ್ಥಾ ಸ್ವಧರ್ಮಾನುಷ್ಠಾನೇ ಪ್ರಾಪ್ತಾ, ಇತ್ಯಾಶಂಕ್ಯಾಹ -

ಸ್ವಧರ್ಮಾಖ್ಯೇಷ್ವಿತಿ ।

ಈಶ್ವರಾರ್ಪಿತಚೇತಸ್ತಯಾ ಕರ್ಮಸು ವರ್ತಮಾನಸ್ಯ - ಅನುಷ್ಠಾನನಿಷ್ಠಸ್ಯ ಯಾ ಯಥೋಕ್ತಾ ಬುದ್ಧಿಃ, ತತ್ ತೇಷು ಕೌಶಲಮ್ ಇತಿ ಯೋಜನಾ ।

ಕರ್ಮಣಾಂ ಬಂಧಸ್ವಭಾವತ್ವಾತ್ ತದನುಷ್ಠಾನೇ ಬಂಧಾನುಬಂಧಃ ಸ್ಯಾತ್ , ಇತ್ಯಾಶಂಕ್ಯ ಕೌಶಲಮೇವ ವಿಶದಯತಿ -

ತದ್ಧೀತಿ ।

ಸಮತ್ವಬುದ್ಧೇರೇವಂಫಲತ್ವೇ ಸ್ಥಿತೇ ಫಲಿತಮುಪಸಂಹರತಿ -

ತಸ್ಮಾದಿತಿ

॥ ೫೦ ॥