ಶ್ರುತಂ ಶ್ರೋತವ್ಯಂ ದೃಷ್ಠಂ ದ್ರಷ್ಟವ್ಯಮಿತ್ಯಾದೌ ಫಲಾಭಿಲಾಷಪ್ರತಿಬಂಧಾತ್ ನೋಕ್ತಾ ಬುದ್ಧಿರುದೇಷ್ಯತಿ, ಇತ್ಯಾಶಂಕ್ಯಾಹ -
ಯದೇತಿ ।
ವಿೇವೇಕಪರಿಪಾಕಾವಸ್ಥಾ ಕಾಲಶಬ್ದೇನೋಚ್ಯತೇ । ಕಾಲುಷ್ಯಸ್ಯ ದೋಷಪರ್ಯವಸಾಯಿತ್ವಂ ದರ್ಶಯನ್ ವಿಶಿನಷ್ಟಿ -
ಯೇನೇತಿ ।
ತತ್ - ಅನರ್ಥರೂಪಂ ಕಾಲುಷ್ಯಮ್ । ತವೇತ್ಯನ್ವಯಾರ್ಥಂ ಪುನರ್ವಚನಮ್ ।
ಬುದ್ಧಿಶುದ್ಧಿಫಲಸ್ಯ ವಿವೇಕಸ್ಯ ಪ್ರಾಪ್ತ್ಯಾ ವೈರಾಗ್ಯಾಪ್ತಿಂ ದರ್ಶಯತಿ -
ತದೇತಿ ।
ಅಧ್ಯಾತ್ಮಶಾಸ್ತ್ರಾತಿರಿಕ್ತಂ ಶಾಸ್ತ್ರಂ ಶ್ರೋತವ್ಯಾದಿಶಬ್ದೇನ ಗೃಹ್ಯತೇ ।
ಉಕ್ತಂ ವೈರಾಗ್ಯಮೇವ ಸ್ಫೋರಯತಿ -
ಶ್ರೋತವ್ಯಮಿತಿ ।
ಯಥೋಕ್ತವಿವೇಕಸಿದ್ಧೌ ಸರ್ವಸ್ಮಿನ್ ಅನಾತ್ಮವಿಷಯೇ ನೈಷ್ಫಲ್ಯಂ ಪ್ರತಿಭಾತೀತ್ಯರ್ಥಃ ॥ ೫೨ ॥