శ్రుతం శ్రోతవ్యం దృష్ఠం ద్రష్టవ్యమిత్యాదౌ ఫలాభిలాషప్రతిబన్ధాత్ నోక్తా బుద్ధిరుదేష్యతి, ఇత్యాశఙ్క్యాహ -
యదేతి ।
విేవేకపరిపాకావస్థా కాలశబ్దేనోచ్యతే । కాలుష్యస్య దోషపర్యవసాయిత్వం దర్శయన్ విశినష్టి -
యేనేతి ।
తత్ - అనర్థరూపం కాలుష్యమ్ । తవేత్యన్వయార్థం పునర్వచనమ్ ।
బుద్ధిశుద్ధిఫలస్య వివేకస్య ప్రాప్త్యా వైరాగ్యాప్తిం దర్శయతి -
తదేతి ।
అధ్యాత్మశాస్త్రాతిరిక్తం శాస్త్రం శ్రోతవ్యాదిశబ్దేన గృహ్యతే ।
ఉక్తం వైరాగ్యమేవ స్ఫోరయతి -
శ్రోతవ్యమితి ।
యథోక్తవివేకసిద్ధౌ సర్వస్మిన్ అనాత్మవిషయే నైష్ఫల్యం ప్రతిభాతీత్యర్థః ॥ ౫౨ ॥