ನನು - ವಿವೇಕವತೋ ವಿಷಯದೋಷದರ್ಶಿನೋ ವಿಷಯೇಭ್ಯಃ ಸ್ವಯಮೇವೇಂದ್ರಿಯಾಣಿ ವ್ಯಾವರ್ತಂತೇ, ಕಿಂ ತತ್ರ ಪ್ರಜ್ಞಾಸ್ಥೈರ್ಯಂ ಚಿಕೀರ್ಷತಾ ಕರ್ತವ್ಯಮ್ ? ಇತಿ, ತತ್ರಾಹ -
ಯತತೋ ಹೀತಿ ।
ವಿಷಯೇಷು ಭೂಯೋ ಭೂಯೋ ದೋಷದರ್ಶನಮೇವಪ್ರಯತ್ನಃ ।
ಅಪಿಶಬ್ದಸ್ಯ ಪ್ರಯತ್ನಂ ಕುರ್ವತೋಽಪೀತಿ ಸಂಬಂಧಂ ಗೃಹೀತ್ವಾ, ಸಂಬಂಧಾಂತರಮಾಹ -
ಪುರುಷಸ್ಯೇತಿ ।
ಪ್ರಮಥನಶೀಲತ್ವಂ ಪ್ರಕಟಯತಿ -
ವಿಷಯೇತಿ ।
ವಿಕ್ಷೋಭಸ್ಯ ಆಕುಲೀಕರಣಸ್ಯ ಫಲಮಾಹ -
ಆಕುಲೀಕೃತ್ಯೇತಿ ।
ಪ್ರಕಾಶಮೇವೇತ್ಯುಕ್ತಂ ವಿಶದಯತಿ -
ಪಶ್ಯತ ಇತಿ ।
ವಿಪಶ್ಚಿತಃ - ವಿದುಷೋಽಪಿ, ಪ್ರಕಾಶಮೇವ - ಪ್ರಕಾಶಶಬ್ದಿತವಿವೇಕಾಖ್ಯವಿಜ್ಞಾನೇನ ಯುಕ್ತಮೇವ ಮನೋ ಹರಂತೀಂದ್ರಿಯಾಣೀತಿ ಸಂಬಂಧಃ ।
॥ ೬೦ ॥