ಇಂದ್ರಿಯಾಣಾಂ ಸ್ವವಶತ್ವಸಂಪಾದನಾನಂತರಂ ಕರ್ತವ್ಯಮರ್ಥಮಾಹ -

ತಾನೀತಿ ।

ಏವಮಾಸೀನಸ್ಯ ಕಿಂ ಸ್ಯಾತ್ ? ಇತಿ ತದಾಹ -

ವಶೇ ಹೀತಿ ।

ಸಮಾಹಿತಸ್ಯ - ವಿಕ್ಷೇಪವಿಕಲಸ್ಯ ಕಥಮಾಸನಮ್ ? ಇತ್ಯಪೇಕ್ಷಾಯಾಮಾಹ -

ಮತ್ಪರ ಇತಿ ।

ಪರಾಪರಭೇದಶಂಕಾಮಪಾಕೃತ್ಯ ಆಸನಮೇವ ಸ್ಫೋರಯತಿ - ನಾನ್ಯೋಽಹಮಿತಿ ।

ಉತ್ತರಾರ್ಧಂ ವ್ಯಾಕರೋತಿ -

ಏವಮಿತಿ ।

ಹಿಶಬ್ದಾರ್ಥಂ ಸ್ಫುಟಯತಿ -

ಅಭ್ಯಾಸೇತಿ ।

ಪರಸ್ಮಾದಾತ್ಮನೋ ನಾಹಮನ್ಯೋಽಸ್ಮೀತಿ ಪ್ರಾಗುಕ್ತಾನುಸಂಧಾನಸ್ಯ ಆದರೇಣ ನೈರಂತರ್ಯದೀರ್ಘಕಾಲಾನುಷ್ಠಾನಸಾಮರ್ಥ್ಯಾದಿತ್ಯರ್ಥಃ ।ಅಥವಾ - ವಿಷಯೇಷು ದೋಷದರ್ಶನಾಭ್ಯಾಸಸಾಮರ್ಥ್ಯಾತ್ ಇಂದ್ರಿಯಾಣಿ ಸಂಯತಾನೀತ್ಯರ್ಥಃ ॥ ೬೧ ॥