ప్రశ్నానుపపత్తిమేవ ప్రపఞ్చయతి -
యది హీతి ।
సముచ్చయోపదేశే ప్రశ్నైకదేశానుపపత్తేశ్చ న తదుపదేశోపపత్తిరిత్యాహ -
అర్జునాయేతి ।
‘కర్మణ్యేవాధికారస్తే మా ఫలేషు కదాచన’ (భ. గీ. ౨-౪౭) ఇత్యర్జునం ప్రత్యుపదేశాత్ తం ప్రతి జ్యాయసీ బుద్ధిర్నోక్తేతి యుక్తం, ‘తత్ కిమ్’ (భ. గీ. ౩-౧) ఇత్యాద్యుపాలమ్భవచనమిత్యాశఙ్క్యాహ -
నచేతి ।
యేన కల్పనేన ‘జ్యాయసీ చేద్’ (భ. గీ. ౩-౧) ఇత్యారభ్యం ‘తత్కిం కర్మణి’ (భ. గీ. ౩-౧) ఇత్యుపాలమ్భాత్మా ప్రశ్నః స్యాత్ తథా న యుక్తం కల్పయితుమ్ ‘ఎషా తేఽభిహితా సాఙ్ఖ్యే బుద్ధి’ (భ. గీ. ౨-౩౯ ) ఇతి వచనవిరోధాదితి యోజనా ।