కస్మిన్ పక్షే తర్హి ప్రశ్నస్యోపపత్తిరిత్యాశఙ్క్యాహ -

యదీతి ।

భగవదుక్తేఽర్థే ప్రష్టుర్వివేకాభావాత్ ప్రశ్నః స్యాదిత్యాశఙ్క్య పూర్వోక్తమేవాధికవివక్షయా స్మారయతి -

అవివేకత ఇతి ।

భగవతోఽపి ప్రతివచనమ్ అజ్ఞాననిమిత్తం ప్రశ్నాననురూపత్వాదిత్యాశఙ్క్య అధికం దర్శయతి -

నచేతి ।

భగవతః సర్వజ్ఞత్వప్రసిద్ధివిరోధాద్ అజ్ఞానాధీనప్రతివచనాయోగాదిత్యర్థః ।

ఇతశ్చ సముచ్చయః శాస్త్రార్థో న భవతీత్యాహ -

అస్మాచ్చేతి ।

కస్తర్హి శాస్త్రార్థో వివక్షితః ?  తత్రాహ -

కేవలాదితి ।