ಕರ್ಮಾನುಷ್ಠಾನೋಪಾಯಲಬ್ಧಾ ಜ್ಞಾನನಿಷ್ಠಾ ಸ್ವತಂತ್ರಾ ಪುಮರ್ಥಹೇತುರಿತಿ ಪ್ರಕೃತಾರ್ಥಸಮರ್ಥನಾರ್ಥಂ ವ್ಯತಿರೇಕವಚನಸ್ಯಾನ್ವಯೇ ಪರ್ಯವಸಾನಂ ಮತ್ವಾ ವ್ಯಾಚಷ್ಟೇ -

ಕರ್ಮಣಾಮಿತಿ ।

ತದ್ವಿಪರ್ಯಯಮೇವ ವ್ಯಾಚಷ್ಟೇ -

ತೇಷಾಮಿತಿ ।

ಉಕ್ತೇಽರ್ಥೇ ಹೇತುಂ ಪೃಚ್ಛತಿ -

ಕಸ್ಮಾದಿತಿ ।

ಜಿಜ್ಞಾಸಿತಂ ಹೇತುಮಾಹ -

ಉಚ್ಯತ ಇತಿ ।

ಉಪಾಯತ್ವೇಽಪಿ ತದಭಾವೇ ಕುತೋ ನೈಷ್ಕರ್ಮ್ಯಾಸಿದ್ಧಿರಿತ್ಯಾಶಂಕ್ಯಾಹ -

ನಹೀತಿ ।

ಜ್ಞಾನಯೋಗಂ ಪ್ರತಿ ಕರ್ಮಯೋಗಸ್ಯೋಪಾಯತ್ವೇ ಶ್ರುತಿಸ್ಮೃತೀ ಪ್ರಮಾಣಯತಿ -

ಕರ್ಮಯೋಗೇತಿ ।

ಶ್ರೌತಮುಪಾಯೋಪೇಯತ್ವಪ್ರತಿಪಾದನಂ ಪ್ರಕಟಯತಿ -

ಶ್ರುತಾವಿತಿ ।

ಯತ್ತು ಗೀತಾಶಾಸ್ತ್ರೇ ಕರ್ಮಯೋಗಸ್ಯ ಜ್ಞಾನಯೋಗಂ ಪ್ರತ್ಯುಪಾಯತ್ವೋಪಪಾದನಂ, ತದಿದಾನೀಮುದಾಹರತಿ -

ಇಹಾಪಿ ಚೇತಿ ।