अद्वैतशारदा | दक्षिणाम्नाय श्रीशारदापीठम्, शृङ्गेरी

ಉತ್ಸೀದೇಯುರಿಮೇ ಲೋಕಾ ನ ಕುರ್ಯಾಂ ಕರ್ಮ ಚೇದಹಮ್ ।
ಸಂಕರಸ್ಯ ಚ ಕರ್ತಾ ಸ್ಯಾಮುಪಹನ್ಯಾಮಿಮಾಃ ಪ್ರಜಾಃ ॥ ೨೪ ॥

ಉತ್ಸೀದೇಯುಃ ವಿನಶ್ಯೇಯುಃ ಇಮೇ ಸರ್ವೇ ಲೋಕಾಃ ಲೋಕಸ್ಥಿತಿನಿಮಿತ್ತಸ್ಯ ಕರ್ಮಣಃ ಅಭಾವಾತ್ ನ ಕುರ್ಯಾಂ ಕರ್ಮ ಚೇತ್ ಅಹಮ್ । ಕಿಂಚ, ಸಂಕರಸ್ಯ ಚ ಕರ್ತಾ ಸ್ಯಾಮ್ । ತೇನ ಕಾರಣೇನ ಉಪಹನ್ಯಾಮ್ ಇಮಾಃ ಪ್ರಜಾಃ । ಪ್ರಜಾನಾಮನುಗ್ರಹಾಯ ಪ್ರವೃತ್ತಃ ಉಪಹತಿಮ್ ಉಪಹನನಂ ಕುರ್ಯಾಮ್ ಇತ್ಯರ್ಥಃ । ಮಮ ಈಶ್ವರಸ್ಯ ಅನನುರೂಪಮಾಪದ್ಯೇತ ॥ ೨೪ ॥

ತಥಾಚೇತ್ಯಾದಿನಾ ; ಲೋಕಸ್ಥಿತೀತಿ ; ಕಿಂಚೇತಿ ; ತೇನೇತಿ ; ಪ್ರಜಾನಾಮಿತಿ ;

ಶ್ರೇಷ್ಠಸ್ಯ ತವ ಮಾರ್ಗಾನುವರ್ತಿತ್ವಂ ಮನುಷ್ಯಾಣಾಮುಚಿತಮೇವೇತ್ಯಾಶಂಕ್ಯ, ದೂಷಯತಿ -

ತಥಾಚೇತ್ಯಾದಿನಾ ।

ಈಶ್ವರಸ್ಯ ಕರ್ಮಣ್ಯಪ್ರವೃತ್ತೌ ತದನುವರ್ತಿನಾಮಪಿ ಕರ್ಮಾನುಪಪತ್ತೇರಿತಿ ಹೇತುಮಾಹ -

ಲೋಕಸ್ಥಿತೀತಿ ।

ಇತಶ್ಚೇಶ್ವರೇಣ ಕರ್ಮ ಕರ್ತವ್ಯಮಿತ್ಯಾಹ -

ಕಿಂಚೇತಿ ।

ಯದಿ ಕರ್ಮ ನ ಕುರ್ಯಾಮಿತಿ ಶೇಷಃ ।

ಸಂಕರಕರಣಸ್ಯ ಕಾರ್ಯಂ ಕಥಯತಿ -

ತೇನೇತಿ ।

ಪ್ರಜೋಪಹತಿಃ ಪರಿಪ್ರಾಪ್ಯತೇ ಚೇತ್ , ಕಿಂ ತಯಾ ತವ ಸ್ಯಾದಿತಿ, ತತ್ರಾಹ -

ಪ್ರಜಾನಾಮಿತಿ

॥ ೨೪ ॥