ಇಂದ್ರಿಯಾದಿಸಮಾಧಾನಪೂರ್ವಕಮಾತ್ಮಜ್ಞಾನಾತ್ ಕಾಮಜಯೋ ಭವತೀತ್ಯುಪಸಂಹರತಿ -

ಏವಮಿತ್ಯಾದಿನಾ ।

ಸಂಸ್ಕೃತಂ ಮನೋ ಮನಃ ಸಮಾಧಾನೇ ಹೇತುರಿತಿ ಸೂಚಯತಿ -

ಸಂಸ್ತಭ್ಯೇತಿ ।

ಪ್ರಕೃತಂ ಶತ್ರುಮೇವ ವಿಶಿನಷ್ಟಿ -

ಕಾಮರೂಪಮಿತಿ ।

ತಸ್ಯ ದುರಾಸದತ್ವೇ ಹೇತುಮಾಹ -

ದೂರ್ವಿಜ್ಞೇಯೇತಿ ।

ಅನೇಕವಿಶೇಷೋಽತಾದೃಶೋ ಮಹಾಶನತ್ವಾದಿಃ, ತದನೇನೋಪಾಯಭೂತಾ ಕರ್ಮನಿಷ್ಠಾ ಪ್ರಾಧಾನ್ಯೇನೋಕ್ತಾ, ಉಪೇಯಾ ತು ಜ್ಞಾನನಿಷ್ಠಾ ಗುಣತ್ವೇನೇತಿ ವಿವೇಕ್ತವ್ಯಮ್ ॥ ೪೩ ॥

ತತ್ಸತ್ ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯ - ಶ್ರೀಮಚ್ಛುದ್ಧಾನಂದಪೂಜ್ಯಪಾದಶಿಷ್ಯಾನಂದಜ್ಞಾನಕೃತೇ ಶ್ರೀಮದ್ಭಗವದ್ಗೀತಾಶಾಂಕರಭಾಷ್ಯವ್ಯಾಖ್ಯಾನೇ ತೃತೀಯೋಽಧ್ಯಾಯಃ ॥ ೩ ॥