కర్మఫలసిద్ధిమిచ్ఛతా కిమితి మానుషే లోకే దేవతాపూజనమిష్యతే ? తత్రాహ -
క్షిప్రం హీతి ।
కర్మఫలసమ్పత్త్యర్థినాం యష్టృయష్టవ్యవిభాగదర్శినాం తద్దర్శనే కారణమాత్మాజ్ఞానమ్ , ఇత్యత్ర బృహదారణ్యకశ్రుతిముదాహరతి -
అథేతి ।
అవిద్యాప్రకరణోపక్రమార్థమథేత్యుక్తమ్ ।
ఉపాసనం భేదదర్శనమిత్యనూద్య, కారణమాత్మాజ్ఞానం తత్ర, ఇతి దర్శయతి -
నేతి ।
యథా అస్మదాదీనాం హలవహనాదినా పశురుపకరోతి, ఎవమజ్ఞో దేవాదీనాం యాగాదిభిరుపకరోతి, ఇత్యాహ -
యథేతి ।
కిమితి తే ఫలాకాఙూక్షిణో భిన్నదేవతాయాదినో జ్ఞానమార్గం నాపేక్షన్తే ? తత్రోత్తరార్ధముత్తరత్వేన యోజయతి -
తేషామిత్యాదినా ।
యస్మాద్ యథోక్తానామధికారిణాం కర్మప్రయుక్తం ఫలం లోకవిశిషే ఝటితి సిధ్యతి, తస్మాత్ తేషాంం మోక్షమార్గాదస్తి వైముఖ్యమిత్యర్థః ।
మానుషలోకవిశేషణం కిమర్థమ్ ? ఇత్యాశఙ్క్యాహ -
మనుష్యలోకే హీతి ।
లోకాన్తరేషు తర్హి కర్మఫలసిద్ధిర్నాస్తి, ఇత్యాశఙ్క్య, క్షిప్రవిశేషణస్య తాత్పర్యమాహ -
క్షిప్రమితి ।
క్వచిత్ కర్మఫలసిద్ధిరవిలమ్బేన భవతి, అన్యత్ర తు విలమ్బేన ఇతి విభాగే కో హేతుః ? ఇత్యాశఙ్క్య, సామగ్రాీభావాభావాభ్యామ్ , ఇత్యాహ -
మానుష ఇతి ।
మనుష్యలోకే కర్మఫలసిద్ధేః శైఘ్ర్యాత్ తదభిముఖానాం జ్ఞానమార్గవైముఖ్యం ప్రాయికమిత్యుపసంహరతి -
తేషామితి
॥ ౧౨ ॥