ಸತ್ಯಪಿ ವಿಕ್ಷೇಪಕೇ ಕರ್ಮಣಿ, ಕೂಟಸ್ಥಾತ್ಮಾನುಸಂಧಾನಸ್ಯ ಸಿದ್ಧೇ ಕೈವಲ್ಯಹೇತುತ್ವೇ, ವಿಕ್ಷೇಪಾಭಾವೇ ಸುತರಾಂ ತಸ್ಯ ತದ್ದೇತುತ್ವಸಿದ್ಧಿರಿತ್ಯಭಿಪ್ರೇತ್ಯಾಹ -

ಯಃ ಪುನರಿತಿ ।

ಪೂರ್ವೋಕ್ತವಿಪರೀತತ್ವಂ ಲೋಕಸಂಗ್ರಹಾದಿನಿರಪೇಕ್ಷತ್ವಮ್ । ತದೇವ ವೈಪರೀತ್ಯಂ ಸ್ಫೋರಯತಿ -

ಪ್ರಾಗೇವೇತಿ ।

ಸಸಾಧನಸರ್ವಕರ್ಮಸಂನ್ಯಾಸೇ ಶರೀರಸ್ಥಿತಿರಪಿ ಕಥಮ್ ? ಇತ್ಯಾಶಂಕ್ಯಾಹ -

ಶರೀರೇತಿ ।

ತರ್ಹಿ ತಥಾವಿಧಚೇಷ್ಟಾನಿವಿಷ್ಟಚೇತಸ್ತಯಾ ಸಮ್ಯಗ್ಜ್ಞಾನಬಹಿರ್ಮುಖಸ್ಯ ಕುತೋ ಮುಕ್ತಿಃ ? ಇತ್ಯಾಶಂಕ್ಯ ಯಥೋಪದಿಷ್ಟಚೇಷ್ಟಾಯಾಮನಾದರಾತ್ ನೈವಮಿತ್ಯಾಹ -

ಜ್ಞಾನನಿಷ್ಠ ಇತಿ ।

ಇತಿ ದರ್ಶಯಿತುಮಿಮಂ ಶ್ಲೋಕಂ ಪ್ರಾಹೇತಿ ಪೂರ್ವವತ್ । ಆಶಿಷಃ ಪ್ರಾರ್ಥನಾಭೇದಾಸ್ತೃಷ್ಣಾವಿಶೇಷಾಃ ।