అర్పణశబ్దస్య కరణవిషయత్వం దర్శయన్నర్పణం బ్రహ్మేతి పదద్వయపక్షే సామానాధికరణ్యం సాధయతి -

యేనేతి ।

యద్రజతం సా శుక్తిరితివద్ బాధాయామిదం సామానాధికరణ్యమిత్యాహ -

తస్యేతి ।

తత్ర దృష్టాన్తమాహ -

యథేతి ।

ఉక్తేఽర్థే పదద్వయమవతారయతి -

తద్వదుచ్యత ఇతి ।

ఉక్తమేవార్థం స్పష్టయతి -

యథా యదితి ।

సమాసశఙ్కాం వ్యావర్తయతి -

బ్రహ్మేతి ।

పదద్వయపక్షే వివక్షితమర్థం కథయతి -

యదర్పణేతి ।

బ్రహ్మ హవిరితి పదద్వయమవతార్య వ్యాచష్టే -

బ్రహ్మేత్యాదినా ।

యదర్పణబుద్ధ్యా గృహ్యతే తద్బ్రహ్మవిదో బ్రహ్మైవేతి యథోక్తం, తథేహాపీత్యాహ -

తథేతి ।

అస్యేతి షష్ఠీ బ్రహ్మవిదమధికరోతి ।

పూర్వవదసమాసమాశఙ్క్య వ్యావర్తయన్ పదాన్తరమవతార్య వ్యాకరోతి -

తథేతి ।

ప్రాగుక్తాసమాసవదితి వ్యతిరేకః ।

తత్ర వివక్షితమర్థమాహ -

అగ్నిరపీతి ।

బ్రహ్మణేతి పదస్యాభిమతమర్థమాహ -

బ్రహ్మణేతి ।

కర్త్రా హూయత ఇతి సమ్బన్ధః ।

కర్తా బ్రహ్మణః సకాశాద్ వ్యతిరిక్తో నాస్తీత్యేతదభిమతమ్ , ఇత్యాహ -

బ్రహ్మైవేతి ।

హుతమిత్యస్య వివక్షితమర్థమాహ -

యత్తేనేతి ।

బ్రహ్మైవ తేనేత్యాది భాగం విభజతే -

బ్రహ్మైవేత్యాదినా ।

‘బ్రహ్మ కర్మ’ ఇత్యాద్యవతార్య వ్యాకరోతి -

బ్రహ్మేతి ।

కర్మత్వం బ్రహ్మణో జ్ఞేయత్వాత్ ప్రాప్యత్వాచ్చ ప్రతిపత్తవ్యమ్ ।