ப்³ரஹ்மார்பணமந்த்ரஸ்ய ஸ்வவ்யாக்²யாநமுக்த்வா, ஸ்வயூத்²யவ்யாக்²யாநமநுவத³தி -
அத்ரேதி ।
ப்ரஸித்³தோ⁴த்³தே³ஶேநாப்ரஸித்³த⁴விதா⁴நஸ்ய ந்யாய்யத்வாத³ப்ரஸித்³தோ⁴த்³தே³ஶேந ப்ரஸித்³த⁴விதா⁴நம் கத²ம் ? இத்யாஶங்க்யாஹ -
ப்³ரஹ்மைவேதி ।
கிலேத்யஸ்மிந் வ்யாக்²யாநே ஸித்³தா⁴ந்திநோ(அ)ஸம்ப்ரதிபத்திம் ஸூசயதி । கர்த்ருகர்மகரணஸம்ப்ரதா³நாதி⁴கரணரூபேண பஞ்சவிேதே⁴ந ப்³ரஹ்மைவ வ்யவஸ்தி²தம் கர்ம கரோதீத்யங்கீ³காராத் தத³ப்ரஸித்³த்⁴யபா⁴வாத் தத³நுவாதே³நார்பணாதி³ஷ்வவிருத்³த⁴: தத்³த்³ருஷ்டிவிதி⁴ரித்யர்த²: ।
த்³ருஷ்டிவிதி⁴பக்ஷே ஸித்³தா⁴ந்தாத்³விஶேஷம் த³ர்ஶயதி -
தத்ரேதி ।
அர்பணாதி³ஷு கர்தவ்யாம் ப்³ரஹ்மபு³த்³தி⁴ம் த்³ருஷ்டாந்தாப்⁴யாம் ஸ்பஷ்டயதி -
யதே²த்யாதி³நா ।