సమ్ప్రతి యజ్ఞద్వయముపన్యస్యతి -
శ్రోత్రాదీనీతి ।
బాహ్యానాం కరణానాం మనసి సంయమస్యైకత్వాత్ కథం సంయమాగ్నిష్వితి బహువచనమ్ ? ఇత్యాశఙ్క్యాహ -
ప్రతీన్ద్రియమితి ।
సమ్యమానాం ప్రత్యాహారాధికరణత్వేన వ్యవస్థితానాం మనోరూపాణాం హోమాధారత్వాదగ్నిత్వం వ్యపదిశతి -
సంయమా ఇతి ।
విషయేభ్యోఽన్తర్బాహ్యానీన్ద్రియాణి ప్రత్యాహరన్తీతి సమ్యమయజ్ఞం సన్క్షిప్య దర్శయతి -
ఇన్ద్రియేతి ।
శ్రోత్రాదీన్ద్రియాగ్నిషు శబ్దాదివిషయహోమస్య తత్తదిన్ద్రియైస్తత్తద్విషయోపభోగలక్షణస్య సర్వసాధారణత్వమాశఙ్క్య, ప్రతిషిద్ధాన్ వర్జయిత్వా రాగద్వేషరహితో భూత్వా ప్రాప్తాన్ విషయానుపభుఞ్జతే తైస్తైరిన్ద్రియైః ఇతి వివక్షితం హోమం విశదయతి-
శ్రోత్రాదిభిరితి
॥ ౨౬ ॥