अद्वैतशारदा | दक्षिणाम्नाय श्रीशारदापीठम्, शृङ्गेरी

ಕೇಷು ಕೇಷು ಪುನಃ ಆತ್ಮಸ್ವರೂಪನಿರೂಪಣಪ್ರದೇಶೇಷು ಆತ್ಮವಿದಃ ಕರ್ಮಾಭಾವಃ ಪ್ರತಿಪಾದ್ಯತೇ ಇತಿ ಅತ್ರ ಉಚ್ಯತೇ — ‘ಅವಿನಾಶಿ ತು ತತ್’ (ಭ. ಗೀ. ೨ । ೧೭) ಇತಿ ಪ್ರಕೃತ್ಯ ‘ಯ ಏನಂ ವೇತ್ತಿ ಹಂತಾರಮ್’ (ಭ. ಗೀ. ೨ । ೧೯) ‘ವೇದಾವಿನಾಶಿನಂ ನಿತ್ಯಮ್’ (ಭ. ಗೀ. ೨ । ೨೧) ಇತ್ಯಾದೌ ತತ್ರ ತತ್ರ ಆತ್ಮವಿದಃ ಕರ್ಮಾಭಾವಃ ಉಚ್ಯತೇ ॥

ಕೇಷು ಕೇಷ್ವಿತಿ ; ಅತ್ರೇತಿ ;

ಇಹ ಶಾಸ್ತ್ರೇ ತತ್ರ ತತ್ರೇತ್ಯಾದೌ ಉಕ್ತಮೇವ ವ್ಯಕ್ತೀಕರ್ತುಂ ಪೃಚ್ಛತಿ -

ಕೇಷು ಕೇಷ್ವಿತಿ ।

ತಾನೇವ ಪ್ರದೇಶಾಂದರ್ಶಯತಿ -

ಅತ್ರೇತಿ ।