ಸಾತ್ತ್ವಿಕೇಷು ರಾಜಸೇಷು ತಾಮಸೇಷು ಚ ಸತ್ವೇಷು ಸಮತ್ವದರ್ಶನಮ್ ಅನುಚಿತಮ್ , ಇತಿ ಶಂಕತೇ -
ನನ್ವಿತಿ ।
ಸರ್ವತ್ರ ಸಮದರ್ಶಿನಃ ತಚ್ಛಬ್ದೇನ ಪರಾಮೃಶ್ಯಂತೇ ।
ತೇಷಾಂ ದೋಷವತ್ತ್ವಾದ್ ಅಭೋಜ್ಯಾನ್ನತ್ವಮ್ ಇತ್ಯತ್ರ ಪ್ರಮಾಣಮಾಹ -
ಸಮಾಸಮಾಭ್ಯಾಮಿತಿ ।
ಸಮಾನಾಮ್ - ಅಧ್ಯಯನಾದಿಭಿಃ ಸಮಾನಧರ್ಮಕಾಣಾಂ, ವಸ್ರಾಲಂಕಾರಾದಿಪೂಜಯಾ ವಿಷಮೇ ಪ್ರತಿಪತ್ತಿವಿಶೇಷೇ ಕ್ರಿಯಮಾಣೇ ಸತಿ, ಅಸಮಾನಾಂಚ ಅಸಮಾನಧರ್ಮಕಾಣಾಂ - ಕಸ್ಯಚಿತ್ ಏಕವೇದತ್ವಮ್ , ಅಪರಸ್ಯ ದ್ವಿವೇದತ್ವಮಿತ್ಯಾದಿಧರ್ಮವತಾಂ, ಪ್ರಾಗುಕ್ತಯಾ ಪೂಜಯಾ ಸಮೇ ಪ್ರತಿಪತ್ತಿವಿಶೇಷೇ, ಪೂಜಯಿತಾ ಪುರುಷವಿಶೇಷಂ ಜ್ಞಾತ್ವಾ ಪ್ರತಿಪತ್ತಿಮಕುರ್ವನ್ , ಧನಾತ್ ಧರ್ಮಾಚ್ಚ ಹೀಯತೇ । ತೇನ ಸಾತ್ತ್ವಿಕೇ ರಾಜಸತಾಮಸಯೋಶ್ಚ ಸಮಬುದ್ಧಿಂ ಕುರ್ವನ್ ಪ್ರತ್ಯವೈತಿ, ಇತ್ಯರ್ಥಃ ।
ಉತ್ತರತ್ವೇನ ಉತ್ತರಶ್ಲೋಕಮವತಾರಯತಿ -
ನ ತೇ ದೋಷವಂತ ಇತಿ ।
ಸ್ಮೃತ್ಯವಷ್ಟಂಭೇನ ಸರ್ವಸತ್ತ್ವೇಷು ಸಮತ್ವದರ್ಶಿನಾಂ ದೋಷವತ್ತ್ವಮುಕ್ತಂ ಕಥಂ ನಾಸ್ತಿ ? ಇತಿ, ಪ್ರತಿಜ್ಞಾಮಾತ್ರೇಣ ಸಿಧ್ಯತಿ, ಇತಿ ಶಂಕತೇ -
ಕಥಮಿತಿ ।