ಶ್ರೀಮದ್ಭಗವದ್ಗೀತಾಭಾಷ್ಯಮ್
ಷಷ್ಠೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಏವಂ ಪರಮಾರ್ಥಸಂನ್ಯಾಸಕರ್ಮಯೋಗಯೋಃ ಕರ್ತೃದ್ವಾರಕಂ ಸಂನ್ಯಾಸಸಾಮಾನ್ಯಮಪೇಕ್ಷ್ಯ ‘ಯಂ ಸಂನ್ಯಾಸಮಿತಿ ಪ್ರಾಹುರ್ಯೋಗಂ ತಂ ವಿದ್ಧಿ ಪಾಂಡವ’ ಇತಿ ಕರ್ಮಯೋಗಸ್ಯ ಸ್ತುತ್ಯರ್ಥಂ ಸಂನ್ಯಾಸತ್ವಮ್ ಉಕ್ತಮ್ । ಧ್ಯಾನಯೋಗಸ್ಯ ಫಲನಿರಪೇಕ್ಷಃ ಕರ್ಮಯೋಗೋ ಬಹಿರಂಗಂ ಸಾಧನಮಿತಿ ತಂ ಸಂನ್ಯಾಸತ್ವೇನ ಸ್ತುತ್ವಾ ಅಧುನಾ ಕರ್ಮಯೋಗಸ್ಯ ಧ್ಯಾನಯೋಗಸಾಧನತ್ವಂ ದರ್ಶಯತಿ —
ಏವಂ ಪರಮಾರ್ಥಸಂನ್ಯಾಸಕರ್ಮಯೋಗಯೋಃ ಕರ್ತೃದ್ವಾರಕಂ ಸಂನ್ಯಾಸಸಾಮಾನ್ಯಮಪೇಕ್ಷ್ಯ ‘ಯಂ ಸಂನ್ಯಾಸಮಿತಿ ಪ್ರಾಹುರ್ಯೋಗಂ ತಂ ವಿದ್ಧಿ ಪಾಂಡವ’ ಇತಿ ಕರ್ಮಯೋಗಸ್ಯ ಸ್ತುತ್ಯರ್ಥಂ ಸಂನ್ಯಾಸತ್ವಮ್ ಉಕ್ತಮ್ । ಧ್ಯಾನಯೋಗಸ್ಯ ಫಲನಿರಪೇಕ್ಷಃ ಕರ್ಮಯೋಗೋ ಬಹಿರಂಗಂ ಸಾಧನಮಿತಿ ತಂ ಸಂನ್ಯಾಸತ್ವೇನ ಸ್ತುತ್ವಾ ಅಧುನಾ ಕರ್ಮಯೋಗಸ್ಯ ಧ್ಯಾನಯೋಗಸಾಧನತ್ವಂ ದರ್ಶಯತಿ —

ಪೂರ್ವಶ್ಲೋಕೇ ಪೂರ್ವೋತ್ತರಾರ್ಧಾಭ್ಯಾಮ್ ಉಕ್ತಮ್ ಅನುವದತಿ -

ಏವಮಿತಿ

ಪರಮಾರ್ಥಸಂನ್ಯಾಸಸ್ಯ ಕರ್ಮಯೋಗಾಂತರ್ಭಾವೇ ಕರ್ಮಯೋಗಸ್ಯೈವ ಸದಾ ಕರ್ತವ್ಯತ್ವಮ್ ಆಪದ್ಯೇತ, ತೇನ ಇತರಸ್ಯಾಪಿ ಕೃತತ್ವಸಿದ್ಧೇಃ, ಇತ್ಯಾಶಂಕ್ಯ, ಉಕ್ತಾನುವಾದಪೂರ್ವಕಮ್ ಉತ್ತರಶ್ಲೋಕತಾತ್ಪರ್ಯಮ್ ಆಹ -

ಧ್ಯಾನಯೋಗಸ್ಯೇತಿ ।