కథం సంయతకార్యకరణస్య బన్ధురాత్మా ? ఇతి, తత్ర ఆహ -

జితాత్మన ఇతి ।

జితకార్యకరణసఙ్ఘాతస్య ప్రకర్షేణ ఉపరతబాహ్యాభ్యన్తరకరణస్య పరమాత్మా విక్షేపేణ పునః పునః అనభిభూయమానో నిరన్తరం చిత్తే ప్రథతే, ఇత్యర్థః ।

జితాత్మానం సంన్యస్తసమస్తకర్మాణమ్ అధికారిణం ప్రదర్శ్య, యోగాఙ్గాని దర్శయతి -

శీతేతి ।

సమః స్యాత్ , ఇతి అధ్యాహారః ।

పూర్వార్ధం వ్యాచష్టే -

జితేత్యాదినా ।

న కేవలం తస్య పరమాత్మా సాక్షాత్ ఆత్మభావేన వర్తతే, కిన్తు శీతోష్ణాదిభిరపి నాసౌ చాల్యతే తత్వజ్ఞానాత్ , ఇతి ఉత్తరార్ధం విభజతే -

కిఞ్చేతి ।

తేషు, సమః స్యాత్ ఇతి సమ్బన్ధః

॥ ౭ ॥