ಮನಸ್ತದ್ವೃತ್ತ್ಯೋಃ ಅಭಾವೇ ಸ್ವರೂಪಭೂತಸುಖಾವಿರ್ಭಾವಸ್ಯ ಸ್ವಾಪಾದೌ ಪ್ರಸಿದ್ಧಿಂ ದ್ಯೋತಯಿತುಂ ‘ಹಿ ‘ಶಬ್ದಃ । ಮೋಹಾದಿಕ್ಲೇಶಪ್ರತಿಬಂಧಾತ್ ಯೋಗಿನಿ ಯಥೋಕ್ತಸುಖಾಪ್ರಾಪ್ತಿಮ್ ಆಶಂಕ್ಯ, ಮನೋವಿಲಯಮ್ ಉಪೇತ್ಯ ಪರಿಹರತಿ -

ಶಾಂತೇತಿ ।

ತಸ್ಯ ಅಸ್ಮದಾದಿವಿಲಕ್ಷಣತ್ವಮ್ ಆಹ -

ಬ್ರಹ್ಮಭೂತಮಿತಿ ।

ಅಸ್ಮದಾದೇರಪಿ ಸ್ವತೋ ಬ್ರಹ್ಮಭೂತತ್ವೇನ ತುಲ್ಯಂ ಜೀವನ್ಮುಕ್ತತ್ವಮ್ , ಇತ್ಯಾಶಂಕ್ಯ, ಆಹ -

ಬ್ರಹ್ಮೈವೇತಿ ।

ಧರ್ಮಾಧರ್ಮಪ್ರತಿಬಂಧಾತ್ ಅಯುಕ್ತಾ ಯಥೋಕ್ತಸುಖಪ್ರಪ್ತಿಃ, ಇತ್ಯಾಶಂಕ್ಯ ಉಕ್ತಮ್ -

ಅಕಲ್ಮಷಮಿತಿ

॥ ೨೭ ॥