ప్రశ్నాన్తరమ్ ఉత్థాపయతి -
తత్రేత్యాదినా ।
మనోనిరోధస్య దుఃఖసాధ్యత్వమ్ ఆశఙ్క్య పరిహృతే సతి, ప్రష్టా పునః అవకాశం ప్రతిలభ్య ఉవాచ, ఇతి సమ్బన్ధః ।
లోకద్వయప్రాపకకర్మసమ్భవే కుతో యోగినో నాశాశఙ్కా ? ఇత్యాశఙ్క్య, ఆహ -
యోగాభ్యాసేతి ।
తథాపి యోగానుష్ఠానపరిపాకపరిప్రాప్తిసమ్యగ్దర్శనసామర్థ్యాత్ మోక్షోపపత్తౌ కుతః తస్య నాశాశఙ్కా ? ఇతి చేత్ , మైవమ్ , అనేకాన్తరాయవత్త్వాత్ యోగస్య ఇహ జన్మని ప్రాయేణ సంసిద్ధేః అసిద్ధిః, ఇత్యభిసన్ధాయ ఆహ -
యోగసిద్ధీతి ।
అభ్యుదయనిఃశ్రేయసబహిర్భావో నాశః । యోగమార్గే తత్ఫలస్య సమ్యగ్దర్శనస్య అదర్శనాత్ , ఇతి శేషః ।