ప్రశ్నమేవ వివృణోతి -
కచ్చిదితి ।
ప్రశస్తప్రశ్నార్థత్వం కచ్చిదిత్యస్య అఙ్గీకృత్య వ్యాచష్టే -
కిమితి ।
ఉభయవిభ్రష్టత్వం స్పష్టయతి -
కర్మేత్యాదినా ।
వాయునా ఛిన్నము - విశకలితమ్ అభ్రం యథా నశ్యతి తద్వత్ , ఇత్యాహ -
ఛిన్నేతి ।
నాశాశఙ్కనిమిత్తమ్ ఆహ -
నిరాశ్రయ ఇతి ।
కర్మమార్గరూపావష్టమ్భాభావేపి జ్ఞానమార్గావష్టమ్భః తస్య భవిష్యతి, ఇత్యాశఙ్క్య ఆహ -
విమూఢః సన్ ఇతి ।
నహి కర్మిణం ప్రతి ఇయమ్ ఆశఙ్కా యుక్తా, అభిలాషం త్యక్త్వా ఈశ్వరే సమర్ప్య వా కర్మ అనుతిష్ఠతః, నిరుపచారేణ తద్భ్రంశవచనాసమ్భవాత్ । సర్వకర్మసంన్యాసినః తు విహితానాం త్యాగాత్ జ్ఞానోపాయాచ్చ విచ్యుతేః అనర్థప్రాప్తిశఙ్కా యుక్తా ఇతి భావః
॥ ౩౮ ॥