ಕರ್ಮಸಂನ್ಯಾಸಾತ್ಮಕಸಾಧನಪ್ರಧಾನಂ ತ್ವಂಪದಾರ್ಥಪ್ರಧಾನಂ ಚ ಪ್ರಥಮಷಟ್ಕಂ ವ್ಯಾಖ್ಯಾಯ, ಮಧ್ಯಮಷಟ್ಕಮ್ ಉಪಾಸ್ಯನಿಷ್ಠಂ ತತ್ಪದಾರ್ಥನಿಷ್ಠಂ ಚ ವ್ಯಾಖ್ಯಾತುಮ್ ಆರಭಮಾಣಃ, ಸಮನಂತರಾಧ್ಯಾಯಮ್ ಅವತಾರಯತಿ -
ಯೋಗಿನಾಮಿತಿ ।
ಅತೀತಾಧ್ಯಾಯಾಂತೇ ಮದ್ಗತೇನ ಅಂತರಾತ್ಮನಾ ಯೋ ಭಜತೇ ಮಾಂ ಇತಿ ಪ್ರಶ್ನಬೀಜಂ ಪ್ರದರ್ಶ್ಯ, ಕೀದೃಶಂ ಭಗವತಸ್ತತ್ತ್ವಮ್ ? ಕಥಂ ವಾ ಮದೂಗತಾಂತರಾತ್ಮಾ ಸ್ಯಾತ್ ? ಇತಿ ಅರ್ಜುನಸ್ಯ ಪ್ರಶ್ನದ್ವಯೇ ಜಾತೇ, ಸ್ವಯಮೇವ ಭಗವಾನ್ ಅಪೃಷ್ಟಮ್ ಏತದ್ವಕ್ತುಮ್ ಇಚ್ಛನ್ ಉಕ್ತವಾನ್ ಇತ್ಯರ್ಥಃ ।