ಶ್ರೀಮದ್ಭಗವದ್ಗೀತಾಭಾಷ್ಯಮ್
ಸಪ್ತಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಅಪರೇಯಮಿತಸ್ತ್ವನ್ಯಾಂ ಪ್ರಕೃತಿಂ ವಿದ್ಧಿ ಮೇ ಪರಾಮ್ ।
ಜೀವಭೂತಾಂ ಮಹಾಬಾಹೋ ಯಯೇದಂ ಧಾರ್ಯತೇ ಜಗತ್ ॥ ೫ ॥
ಅಪರಾ ನ ಪರಾ ನಿಕೃಷ್ಟಾ ಅಶುದ್ಧಾ ಅನರ್ಥಕರೀ ಸಂಸಾರಬಂಧನಾತ್ಮಿಕಾ ಇಯಮ್ । ಇತಃ ಅಸ್ಯಾಃ ಯಥೋಕ್ತಾಯಾಃ ತು ಅನ್ಯಾಂ ವಿಶುದ್ಧಾಂ ಪ್ರಕೃತಿಂ ಮಮ ಆತ್ಮಭೂತಾಂ ವಿದ್ಧಿ ಮೇ ಪರಾಂ ಪ್ರಕೃಷ್ಟಾಂ ಜೀವಭೂತಾಂ ಕ್ಷೇತ್ರಜ್ಞಲಕ್ಷಣಾಂ ಪ್ರಾಣಧಾರಣನಿಮಿತ್ತಭೂತಾಂ ಹೇ ಮಹಾಬಾಹೋ, ಯಯಾ ಪ್ರಕೃತ್ಯಾ ಇದಂ ಧಾರ್ಯತೇ ಜಗತ್ ಅಂತಃ ಪ್ರವಿಷ್ಟಯಾ ॥ ೫ ॥
ಅಪರೇಯಮಿತಸ್ತ್ವನ್ಯಾಂ ಪ್ರಕೃತಿಂ ವಿದ್ಧಿ ಮೇ ಪರಾಮ್ ।
ಜೀವಭೂತಾಂ ಮಹಾಬಾಹೋ ಯಯೇದಂ ಧಾರ್ಯತೇ ಜಗತ್ ॥ ೫ ॥
ಅಪರಾ ನ ಪರಾ ನಿಕೃಷ್ಟಾ ಅಶುದ್ಧಾ ಅನರ್ಥಕರೀ ಸಂಸಾರಬಂಧನಾತ್ಮಿಕಾ ಇಯಮ್ । ಇತಃ ಅಸ್ಯಾಃ ಯಥೋಕ್ತಾಯಾಃ ತು ಅನ್ಯಾಂ ವಿಶುದ್ಧಾಂ ಪ್ರಕೃತಿಂ ಮಮ ಆತ್ಮಭೂತಾಂ ವಿದ್ಧಿ ಮೇ ಪರಾಂ ಪ್ರಕೃಷ್ಟಾಂ ಜೀವಭೂತಾಂ ಕ್ಷೇತ್ರಜ್ಞಲಕ್ಷಣಾಂ ಪ್ರಾಣಧಾರಣನಿಮಿತ್ತಭೂತಾಂ ಹೇ ಮಹಾಬಾಹೋ, ಯಯಾ ಪ್ರಕೃತ್ಯಾ ಇದಂ ಧಾರ್ಯತೇ ಜಗತ್ ಅಂತಃ ಪ್ರವಿಷ್ಟಯಾ ॥ ೫ ॥

ಅಚೇತನವರ್ಗಮ್ ಏಕೀಕರ್ತುಂ ಪ್ರಕೃತೇಃ ಅಷ್ಟಧಾ ಪರಿಣಾಮಮ್ ಅಭಿಧಾಯ, ವಿಕಾರಾವಚ್ಛಿನ್ನಕಾರ್ಯಕಲ್ಪಂ ಚೇತನವರ್ಗಮ್ ಏಕೀಕರ್ತುಂ ಪುರುಷಸ್ಯ ಚೈತನ್ಯಸ್ಯ ಅವಿದ್ಯಾಶಕ್ತ್ಯವಚ್ಛಿನ್ನಸ್ಯಾಪಿ ಪ್ರಕೃತಿತ್ವಂ ಕಲ್ಪಯಿತುಮ್ ಉಕ್ತಾಂ ಪ್ರಕೃತಿಮ್ ಅನೂದ್ಯ ದರ್ಶಯತಿ -

ಅಪರೇತಿ ।

ನಿಕೃಷ್ಟತ್ವಂ ಸ್ಪಷ್ಟಯತಿ -

ಅನರ್ಥಕರೀತಿ ।

ಅನರ್ಥಕತ್ವಮೇವ ಸ್ಫೋರಯತಿ -

ಸಂಸಾರೇತಿ ।

ಕಥಂಚಿದಪಿ ಅನನ್ಯತ್ವವ್ಯಾವೃತ್ಯರ್ಥಃ ತುಶಬ್ದಃ । ಅನ್ಯಾಮ್ ಅತ್ಯಂತವಿಲಕ್ಷಣಾಮ್ , ಇತಿ ಯಾವತ್ ।

ಅನ್ಯತ್ವಮೇವ ಸ್ಪಷ್ಟಯತಿ -

ವಿಶುದ್ಧಾಮಿತಿ ।

ಪ್ರಕೃತಿಶಬ್ದಸ್ಯ ಅತ್ರ ಪ್ರಯುಕ್ತಸ್ಯ ಅರ್ಥಾಂತರಮ್ ಆಹ -

ಮಮೇತಿ ।

ಪ್ರಕೃಷ್ಟತ್ವಮೇವ ಭೋಕ್ತೃತ್ವೇನ ಸ್ಪಷ್ಟಯತಿ -

ಜೀವಭೂತಾಮಿತಿ ।

ಪ್ರಕೃತ್ಯಂತರಾತ್ ಅಸ್ಯಾಃ ಪ್ರಕೃತೇಃ ಅವಾಂತರವಿಶೇಷಮ್ ಆಹ -

ಯಯೇತಿ ।

ನ ಹಿ ಜೀವರಹಿತಂ ಜಗದ್ ಧಾರಯಿತುಮ್ ಶಕ್ಯಮ್ ಇತ್ಯಾಶಯೇನ ಆಹ -

ಅಂತರಿತಿ

॥ ೫ ॥