నను - సర్వాణి భూతాని స్వకారణే ప్రోతాని, కథం తేషాం త్వయి ప్రోతత్వమ్? తత్ర ఆహ -
బీజమితి ।
బీజాన్తరాపేక్షయా అనవస్థాం వారయతి -
సనాతనమితి ।
చైతన్యస్య అభివ్యఞ్జకం తత్వనిశ్చయసామర్థ్యం బుద్ధిః, తద్వతాం యా బుద్ధిః తద్భూతే మయి సర్వే బుద్ధిమన్తః ప్రోతా భవన్తి, ఇత్యాహ -
కిం చేతి ।
ప్రాగల్భ్యవతాం యత్ ప్రాగల్భ్యం తద్భూతే మతి తద్వన్తః ప్రోతాః, ఇత్యాహ -
తేజ ఇతి ।
తద్ధి ప్రాగల్భ్యమ్ , యత్ పరాభిభవసామర్థ్యం పరైశ్చ అప్రధృష్యత్వమ్
॥ ౧౦ ॥