యదక్షరం వేదవిదో వదన్తి
విశన్తి యద్యతయో వీతరాగాః ।
యదిచ్ఛన్తో బ్రహ్మచర్యం చరన్తి
తత్తే పదం సఙ్గ్రహేణ ప్రవక్ష్యే ॥ ౧౧ ॥
యత్ అక్షరం న క్షరతీతి అక్షరమ్ అవినాశి వేదవిదః వేదార్థజ్ఞాః వదన్తి, ‘తద్వా ఎతదక్షరం గార్గి బ్రాహ్మణా అభివదన్తి’ (బృ. ఉ. ౩ । ౮ । ౮) ఇతి శ్రుతేః, సర్వవిశేషనివర్తకత్వేన అభివదన్తి ‘అస్థూలమనణు’ ఇత్యాది । కిఞ్చ — విశన్తి ప్రవిశన్తి సమ్యగ్దర్శనప్రాప్తౌ సత్యాం యత్ యతయః యతనశీలాః సంన్యాసినః వీతరాగాః వీతః విగతః రాగః యేభ్యః తే వీతరాగాః । యచ్చ అక్షరమిచ్ఛన్తః — జ్ఞాతుమ్ ఇతి వాక్యశేషః — బ్రహ్మచర్యం గురౌ చరన్తి ఆచరన్తి, తత్ తే పదం తత్ అక్షరాఖ్యం పదం పదనీయం తే తవ సఙ్గ్రహేణ సఙ్గ్రహః సఙ్క్షేపః తేన సఙ్క్షేపేణ ప్రవక్ష్యే కథయిష్యామి ॥ ౧౧ ॥
యదక్షరం వేదవిదో వదన్తి
విశన్తి యద్యతయో వీతరాగాః ।
యదిచ్ఛన్తో బ్రహ్మచర్యం చరన్తి
తత్తే పదం సఙ్గ్రహేణ ప్రవక్ష్యే ॥ ౧౧ ॥
యత్ అక్షరం న క్షరతీతి అక్షరమ్ అవినాశి వేదవిదః వేదార్థజ్ఞాః వదన్తి, ‘తద్వా ఎతదక్షరం గార్గి బ్రాహ్మణా అభివదన్తి’ (బృ. ఉ. ౩ । ౮ । ౮) ఇతి శ్రుతేః, సర్వవిశేషనివర్తకత్వేన అభివదన్తి ‘అస్థూలమనణు’ ఇత్యాది । కిఞ్చ — విశన్తి ప్రవిశన్తి సమ్యగ్దర్శనప్రాప్తౌ సత్యాం యత్ యతయః యతనశీలాః సంన్యాసినః వీతరాగాః వీతః విగతః రాగః యేభ్యః తే వీతరాగాః । యచ్చ అక్షరమిచ్ఛన్తః — జ్ఞాతుమ్ ఇతి వాక్యశేషః — బ్రహ్మచర్యం గురౌ చరన్తి ఆచరన్తి, తత్ తే పదం తత్ అక్షరాఖ్యం పదం పదనీయం తే తవ సఙ్గ్రహేణ సఙ్గ్రహః సఙ్క్షేపః తేన సఙ్క్షేపేణ ప్రవక్ష్యే కథయిష్యామి ॥ ౧౧ ॥