நநு ஜ்ஞாநாயத்தா பரமபுருஷப்ராப்தி: உக்தா । ந ச ஜ்ஞாநம் மார்க³ம் அபேக்ஷ்ய ப²லாய கல்பதே, விது³ஷோ க³த்யுத்க்ராந்திநிஷேத⁴ஶ்ருதே: । ததா² ச மார்கோ³க்தி: அயுக்தா, இத்யாஶங்க்ய, ஸகு³ணஶரணாநாம் தது³பதே³ஶோ அர்த²வாந் , இத்யபி⁴ப்ரேத்ய ஆஹ -

ப்ரக்ருதாநாமிதி ।

வக்தவ்ய இதி, யத்ர காலே இத்யாத்³யுச்யத இதி ஸம்ப³ந்த⁴: ।

ஸ சேத்³வக்தவ்ய:, தர்ஹி கிமிதி அத்⁴யாத்மாதி³பா⁴வேந ஸவிஶேஷம் ப்³ரஹ்ம த்⁴யாயதாம் ப²லாப்தயே மூர்த⁴ந்யநாடீ³ஸம்ப³த்³தே⁴ தே³வயாநே பதி² உபாஸ்யத்வாய வக்தவ்யே காலோ நிர்தி³ஶ்யதே ? தத்ர ஆஹ -

விவக்ஷிதேதி ।

ஸோ(அ)ர்தோ² மார்க³:, தது³க்திஶேஷத்வேந காலோக்தி: இத்யர்த²: ।

பித்ருயாணமார்கோ³பந்யாஸ: தர்ஹி கிமிதி க்ரியதே ? தத்ர ஆஹ-

ஆவ்ருத்தீதி ।

மார்கா³ந்தரஸ்ய ஆவ்ருத்திப²லத்வாத் , அஸ்ய ச அநாவ்ருத்திப²லத்வாத் தத³பேக்ஷயா மஹீயாந் அயம் , இதி ஸ்துதிர்விவக்ஷிதா இதி பா⁴வ: ।