ததே²தி மநூநாமபி பூர்வத்வேந ஆத்³யத்வம் அநுக்ருஷ்யதே । கே தே மநவ:? தத்ர ஆஹ-
ஸாவர்ணா இதீதி ।
ப்ரஸித்³தா⁴: புராணேஷு, ப்ரஜாநாம் பாலகா:, ஸ்வயம் ஈஶ்வராஶ்ச இதி ஶேஷ: ।
மஹர்ஷீணாம் மநூநாம் ச துல்யம் விஶேஷணம் -
தே சேதி ।
மயி - ஸர்வஜ்ஞே ஸர்வேஶ்வரே, க³தா - பா⁴வநா யேஷாம், தே ததா² । பா⁴வநாப²லம் ஆஹ -
வைஷ்ணவேநேதி ।
வைஷ்ணவ்யா ஶக்த்யா அதி⁴ஷ்டி²தத்வேந ஜ்ஞாநைஶ்வர்யவந்த:, இத்யர்த²: ।
தேஷாம் ஜந்மநோ வைஶிஷ்ட்யம் ஆசஷ்டே -
மாநஸா இதி ।
மந்வாதீ³நேவ விஶிநஷ்டி-
யேஷாமிதி ।
வித்³யயா ஜந்மநா ச ஸந்ததிபூ⁴தா மந்வாதீ³நாம் அஸ்மிந் லோகே ஸர்வா: ப்ரஜா:, இத்யர்த²:
॥ 6 ॥