ಪುತ್ರಾದಿಲೋಕತ್ರಯಹೇತ್ವರ್ಥಿತ್ವೇನ ವಾ ಗರ್ಭದಾಸತ್ವೇನ ವಾ, ಪ್ರತ್ಯಹಂ ಜೀವನೋಪಾಯಸಿದ್ಧಯೇ ವಾ, ಭಜನಮ್ ಇತಿ ಶಂಕಿತ್ವಾ ದೂಷಯತಿ -

ಕಿಮಿತ್ಯಾದಿನಾ ।

ಪ್ರಾಗುಕ್ತಾಂ ಜ್ಞಾನಾಖ್ಯಾಂ ಭಕ್ತಿಂ ಸ್ನೇಹೇನ ಕುರ್ವತಾಮ್ ಇತ್ಯರ್ಥಃ ।

ತೇಭ್ಯೋಽಹಂ ತತ್ತ್ವಜ್ಞಾನಂ ಪ್ರಯಚ್ಛಾಮಿ, ಇತ್ಯಾಹ -

ದದಾಮೀತಿ ।

ಉಕ್ತಬುದ್ಧಿಸಬಂಧಸ್ಯ ಫಲಮ್ ಆಹ -

ಯೇನೇತಿ ।

ಧ್ಯಾನಜನ್ಯಪ್ರಕರ್ಷಕಾಷ್ಠಾಗತಾಂತಃಕರಣಪರಿಣಾಮೇ ನಿರಸ್ತಾಶೇಪವಿಶೇಷಭಗವದ್ರೂಪಪ್ರಾಪ್ತಿಹೇತೌ ಬುದ್ಧಿಯೋಗೇ ಪ್ರಶ್ನಪೂರ್ವಕಮ್ ಉಕ್ತಾನ್ ಅಧಿಕಾರಿಣೋ ದರ್ಶಯತಿ -

ಕೇ ತೇ ಇತಿ ॥ ೧೦ ॥