పుత్రాదిలోకత్రయహేత్వర్థిత్వేన వా గర్భదాసత్వేన వా, ప్రత్యహం జీవనోపాయసిద్ధయే వా, భజనమ్ ఇతి శఙ్కిత్వా దూషయతి -

కిమిత్యాదినా ।

ప్రాగుక్తాం జ్ఞానాఖ్యాం భక్తిం స్నేహేన కుర్వతామ్ ఇత్యర్థః ।

తేభ్యోఽహం తత్త్వజ్ఞానం ప్రయచ్ఛామి, ఇత్యాహ -

దదామీతి ।

ఉక్తబుద్ధిసబన్ధస్య ఫలమ్ ఆహ -

యేనేతి ।

ధ్యానజన్యప్రకర్షకాష్ఠాగతాన్తఃకరణపరిణామే నిరస్తాశేపవిశేషభగవద్రూపప్రాప్తిహేతౌ బుద్ధియోగే ప్రశ్నపూర్వకమ్ ఉక్తాన్ అధికారిణో దర్శయతి -

కే తే ఇతి ॥ ౧౦ ॥