భగవత్ప్రాప్తేః బుద్ధిసాధ్యత్వే సతి అనిత్యత్వాపత్తేః త్వమపి భక్తేభ్యః బుద్ధియోగం దదాసి ఇత్యయుక్తమ్ , ఇతి శఙ్కతే -

కిమర్థమితి ।

తేషాం బుద్ధియోగం కిమర్థం దదాసి ఇతి సమ్బన్ధః ।

 భగవత్ప్రాప్తిప్రతిబన్ధకనాశకో బుద్ధియోగః, తేన నాస్తి తత్ప్రాప్తేః అనిత్యత్వమ్ , ఇత్యాశఙ్క్య ఆహ -

కస్యేతి ।

భక్తానాం తత్ప్రాప్తిప్రతిబన్ధకం వివిచ్య దర్శయతి -

ఇత్యాకాఙ్క్షాయామితి ।

అవివేకో నామ అజ్ఞానమ్ । తతో జాతం మిథ్యాజ్ఞానమ్ । తదుభయమ్ ఎకీకృత్య తమో వివక్ష్యతే । న చ తన్నాశకత్వం జడస్య కస్యచిత్ తదన్తర్భూతస్య యుక్తమ్ । తేన అహం నాశయామి, ఇత్యుక్తమ్ ।