శ్రీమద్భగవద్గీతాభాష్యమ్
దశమోఽధ్యాయః
పూర్వపృష్ఠమ్      ఉత్తరపృష్ఠమ్
ఆనన్దగిరిటీకా (గీతాభాష్య)
 
అర్జున ఉవాచ —
పరం బ్రహ్మ పరం ధామ పవిత్రం పరమం భవాన్ ।
పురుషం శాశ్వతం దివ్యమాదిదేవమజం విభుమ్ ॥ ౧౨ ॥
పరం బ్రహ్మ పరమాత్మా పరం ధామ పరం తేజః పవిత్రం పావనం పరమం ప్రకృష్టం భవాన్ । పుుురుషం శాశ్వతం నిత్యం దివ్యం దివి భవమ్ ఆదిదేవం సర్వదేవానామ్ ఆదౌ భవమ్ ఆదిదేవమ్ అజం విభుం విభవనశీలమ్ ॥ ౧౨ ॥
అర్జున ఉవాచ —
పరం బ్రహ్మ పరం ధామ పవిత్రం పరమం భవాన్ ।
పురుషం శాశ్వతం దివ్యమాదిదేవమజం విభుమ్ ॥ ౧౨ ॥
పరం బ్రహ్మ పరమాత్మా పరం ధామ పరం తేజః పవిత్రం పావనం పరమం ప్రకృష్టం భవాన్ । పుుురుషం శాశ్వతం నిత్యం దివ్యం దివి భవమ్ ఆదిదేవం సర్వదేవానామ్ ఆదౌ భవమ్ ఆదిదేవమ్ అజం విభుం విభవనశీలమ్ ॥ ౧౨ ॥

ధామశబ్దస్య స్థానవాచిత్వం వ్యావర్తయన్ వ్యాచష్టే -

తేజ ఇతి ।

తస్య చైతన్యస్య పరమత్వం జన్మాదిరాహిత్యేన కౌటస్థ్యమ్ । ప్రకృష్టమ్ పావనమ్ - అత్యన్తశుద్ధత్వమ్ ఉచ్యతే । యదేవంలక్షణం పర బ్రహ్మ, తద్భవానేవ, నాన్యః ఇత్యర్థః ।

కుతః త్వమ్ ఎవమ్ అజ్ఞాసీః? ఇత్యాశఙ్క్య, ఆప్తవాక్యాత్ , ఇత్యాహ -

పురుషమితి ।

దివి - పరమే వ్యోమ్ని భవతీతి దివ్యః, తం సర్వప్రపఞ్చాతీతమ్  దీవ్యతి - ద్యోతతే ఇతి దేవః, స చాదిః సర్వమూలత్వాత్ , అత ఎవ అజః, తం త్వాం సర్వగతమ్ ఆహుః ఇతి సమ్బన్ధః

॥ ౧౨ ॥