శ్రీమద్భగవద్గీతాభాష్యమ్
ఎకాదశోఽధ్యాయః
పూర్వపృష్ఠమ్      ఉత్తరపృష్ఠమ్
ఆనన్దగిరిటీకా (గీతాభాష్య)
 
త్వమక్షరం పరమం వేదితవ్యం
త్వమస్య విశ్వస్య పరం నిధానమ్ ।
త్వమవ్యయః శాశ్వతధర్మగోప్తా
సనాతనస్త్వం పురుషో మతో మే ॥ ౧౮ ॥
త్వమ్ అక్షరం న క్షరతీతి, పరమం బ్రహ్మ వేదితవ్యం జ్ఞాతవ్యం ముముక్షుభిః । త్వమ్ అస్య విశ్వస్య సమస్తస్య జగతః పరం ప్రకృష్టం నిధానం నిధీయతే అస్మిన్నితి నిధానం పరః ఆశ్రయః ఇత్యర్థః । కిఞ్చ, త్వమ్ అవ్యయః న తవ వ్యయో విద్యతే ఇతి అవ్యయః, శాశ్వతధర్మగోప్తా శశ్వద్భవః శాశ్వతః నిత్యః ధర్మః తస్య గోప్తా శాశ్వతధర్మగోప్తా । సనాతనః చిరన్తనః త్వం పురుషః పరమః మతః అభిప్రేతః మే మమ ॥ ౧౮ ॥
త్వమక్షరం పరమం వేదితవ్యం
త్వమస్య విశ్వస్య పరం నిధానమ్ ।
త్వమవ్యయః శాశ్వతధర్మగోప్తా
సనాతనస్త్వం పురుషో మతో మే ॥ ౧౮ ॥
త్వమ్ అక్షరం న క్షరతీతి, పరమం బ్రహ్మ వేదితవ్యం జ్ఞాతవ్యం ముముక్షుభిః । త్వమ్ అస్య విశ్వస్య సమస్తస్య జగతః పరం ప్రకృష్టం నిధానం నిధీయతే అస్మిన్నితి నిధానం పరః ఆశ్రయః ఇత్యర్థః । కిఞ్చ, త్వమ్ అవ్యయః న తవ వ్యయో విద్యతే ఇతి అవ్యయః, శాశ్వతధర్మగోప్తా శశ్వద్భవః శాశ్వతః నిత్యః ధర్మః తస్య గోప్తా శాశ్వతధర్మగోప్తా । సనాతనః చిరన్తనః త్వం పురుషః పరమః మతః అభిప్రేతః మే మమ ॥ ౧౮ ॥

కుతో బ్రహ్మణో జ్ఞాతవ్యత్వమ్ ? తత్ర ఆహ-

త్వమస్య ఇతి ।

నిష్ప్రపఞ్చస్య బ్రహ్మణో జ్ఞేయత్వే హేత్వన్తరమ్ ఆహ-

కిఞ్చేతి ।

అవినాశిత్వాత్ , తవైవ జ్ఞాతవ్యత్వాత్ అతిరిక్తస్య నాశిత్వేన హేయత్వాత్ , ఇత్యర్థః । జ్ఞానకర్మాత్మనో ధర్మస్య నిత్యత్వమ్ - వేదప్రమాణకత్వమ్ । ‘ధర్మసంస్థాపనార్థాయ సమ్భవామి’ (భ. గీ. ౪-౮) ఇత్యుక్తత్వాత్ గోప్తా - రక్షితా

॥ ౧౮ ॥