अद्वैतशारदा | दक्षिणाम्नाय श्रीशारदापीठम्, शृङ्गेरी

श्रीभगवानुवाच —

सुदुर्दर्शमिदं रूपं
दृष्टवानसि यन्मम ।
देवा अप्यस्य रूपस्य
नित्यं दर्शनकाङ्क्षिणः ॥ ५२ ॥

सुदुर्दर्शं सुष्ठु दुःखेन दर्शनम् अस्य इति सुदुर्दर्शम् , इदं रूपं दृष्टवान् असि यत् मम, देवादयः अपि अस्य मम रूपस्य नित्यं सर्वदा दर्शनकाङ्क्षिणः ; दर्शनेप्सवोऽपि न त्वमिव दृष्टवन्तः, न द्रक्ष्यन्ति च इति अभिप्रायः ॥ ५२ ॥

भगवानिति ; देवादयः इति ;

उपास्यत्वाय विश्वरूपं स्तोतुं भगवदुक्तिम् उत्थापयति-

भगवानिति ।

त्वद् - व्यतिरिक्तानाम् इदं रूपं द्रष्टुम् अशक्यम् इत्येतत् विशदयति-

देवादयः इति

॥ ५२ ॥